Երեւանի քաղաքապետ Հայկ Մարությանը դատի է տվել Երեւանի ավագանու նախկին անդամ Սոնա Աղեկյանին։ Այդ մասին տեղեկացնում է Datalex-ը։
Հայցը կապված է զրպարտության հետ․ քաղաքապետը պահանջում է պատվին և արժանապատվությանը պատճառված վնասի հատուցման և հերքման պարտավորեցում։
Հիշեցնենք, որ օգոստոսի 9-ին Աղեկյանը մամուլի ասուլիսի ժամանակ հայտարարել է, թե քաղաքապետարանում կոռուպցիան աննախադեպ մակարդակի է հասել:
Չի բացառվում, որ քաղաքապետը հենց այս հայտարարությունն է համարել որպես զրպարտություն։
Հայցադիմումը մակագրվել է Երեւան քաղաքի ընդհանուր իրավասության դատարանի դատավոր Տաթեւիկ Ստեփանյանին:
