▲ Դեպի վեր

lang.iso lang.iso lang.iso

Ինչո՞ւ քառյակը դարձավ եռյակ.Աղվան Վարդանյանը մեկնաբանում է

«Մենք գիտենք, որ մեր քայլն ամենաճիշտն է, իսկ , եթե մտածես, թե ինչ են ասելու դրա մասին` կգնաս այլ ճանապարհով: Շեքսպիրն ասում էր` կատուն կմլավի, շունն էլ կհաչի: Քառյակի վերջին նիստը, քննարկումներն ու եզրակացություններն անցել են շատ հանդարտ, փոխադարձ ըմբռնման մթնոլորտում: Մենք  հասկացել ենք, որ կա առանցքային խնդիր, որի շուրջ տարաձայնություններ կան, բայց շարունակելու ենք համագործակցել»,-այսօր` լրագրողների հետ հանդիպման ժամանակ, խոսելով հոկտեմբերի  10-ին կայանալիք հանրահավաքին ՀՅԴ չմասնակցելու որոշման մասին`  ասաց  ԱԺ ՀՅԴ խմբակցության քարտուղար Աղվան Վարդանյանը` մանրամասնելով, որ առաջարկել են խորհրդարանական համակարգին անցնելու հայեցակարգը ընդունելուց հետո նոր հանրահավաք կազմակերպել:

«Մենք առաջարկում էինք համատեղ մշակել առաջարկների փաթեթ, որ որոշումների ընդունումը թափանցիկ կդարձներ, կնվազեցներ իշխանությունների վերարտադրությունը: Խորհրդարանական ընտրությունների ժամանակ ՀՀԿ-ն մեծամասնություն չպետք է լինի: Ասում ենք` եկեք, այս հարցը լուծենք: Ցանկանում էինք քննարկել, գտնել ոսկե միջինը և գնալ սահմանադրական բարեփոխումների, եթե այս կամ այն կետերը կատարվեին: Ցավոք, այս համաձայնությունը չկարողացանք ունենալ»,-մանրամասնեց Աղվան Վարդանյանը:

Ինչ վերաբերում է կարծիքներին, թե քառյակն իրականում քառյակ չէ, կոնկրետ ուժ կա, Աղվան Վարդանյանը նկատեց.

«Մենք ոչ իշխանության, ոչ ընդդիմության հետ նման հարաբերություններ չենք ունենա: Եթե ՀՅԴ-ի հետ փորձ արվի խոսել ոչ հավասարի դիրքերից, ապա տուժողները մենք չենք լինելու»:

ԱԺ ՀՅԴ խմբակցության քարտուղարը համոզված է` այս համակարգը մեր երկիրը ոչ մի լավ տեղ չի տարել և չի տանի.

«Ունենք 23 տարվա փորձ, որ ընտրություններով իշխանափոխություն հնարավոր չէ: Մեր գործընկերներն ասում են` ինչպե՞ս էր, որ ՀՀԿ-ն դեմ էր խորհրդարանական համակարգին, հիմա կողմ է: Նախ ես վստահ չեմ, որ կողմ է: Մենք ունենք առաջարկությունների մեր փաթեթը, որը շուտով պատրաստ կլինի: Կա խորհրդարանական համակարգին անցնելու համար համապատասխան հանձնաժողովի հայեցակարգը, որը դեռ չեն ներկայացրել: Դրանից հետո նոր պարզ կլինի` իշխանությունը կգնա խորհրդարանական ընտրության, թե` ոչ: Կարող է լինել խորհրդարանական համակարգի տարբերակ, որը հնարավոոր է` վտանգավոր տարրեր պարունակի: Խորհրդարանական համակարգը միայն անունը չէ»,-եզրափակեց Աղվան Վարդանյանը:

Անի Կարապետյան


 

 ''Քառյակի վերջին նիստը, քննարկումներն ու եզրակացություններն անցել են շատ հանդարտ, փոխադարձ ըմբռնման մթնոլորտում: Մենք միմյանց հասկացել ենք, որ կա առանցքային խնդիր, որի շուրջ տարաձայնություններ կան'',-այսօր լրագրողների հետ հանդիպմանն ասաց  ԱԺ ՀՅԴ խմբակցության քարտուղար Աղվան Վարդանյանը:  Նիստի ընթացքում նաև պայմանավորվածություն է եղել, որ քաղաքական ուժերը պետք է փորձեն  առավելագույնս կոռեկտ լինել միմյանց հանդեպ, ցեխ չշպրտել:
''Այլ բան է, որ որոշ լրատվամիջոցներում, որոշ անհատների կողմից հերթական անգամ ՀՅԴ-ին պիտակավորելու  մոտեցումները թափ են առել: Սա մեզ համար նորություն չէ: Երբ մենք որևէ քայլ ենք անում, հստակ գիտակցում ենք նաև այդ քայլի արձագանքները: Եթե մենք գիտենք, որ այդ քայլն ամենաճիշտն է, այդ արձագանքները դառնում են երկրորդական: Շեքսպիրն ասում էր` կատուն կմլավի, շունն էլ կհաչի'',-շեշտեց ՀՅԴ պատգամավորը: 
Ինչ վերաբերում է հրապարակումներին, թե քառյակում կոնսոլիդացնող կոնկրետ ուժ կա, Վարդանյանն ընդգծեց` քառյակում չի եղել մեծ ու փոքրի խնդիր, եղել է իրավահավասար ուժերի հարաբերություն:
''Մենք նման հարաբերություն ոչ մեկի հետ երբեք չենք ունեցել ու չենք ունենալու: Եթե ''Դաշնակցության'' հետ փորձ արվի խոսել ոչ հավասար դիրքերից, ապա տուժողները մենք չենք լինելու'',-եզրափակեց նա: 
Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Քաղաքականություն ավելին