Asekose.am-ի տեղեկություններով ՊՆ նախարարի համար արդեն մի քանի ամիս աշխատում է լրագրողների, բլոգերների ու PR-շիկների թիմ, որի նպատակն է Սեյրան Օհանյանի մասնակցությամբ ցանկացած միջոցառման միջոցով հասարակությանը ներկայացնել նախարարի դրական կերպարը:
Բացի այդ` առաջադրանք կա Սեյրան Օհանյանի գործունեությունն ու անցած ուղին համեմատել կառավարության մյուս անդամների հետ` եզրակացության հանգելով, որ ՊՆ նախարարը գործող իշխանության, եթե ոչ հատուկենտ, ապա նույնիսկ միակ անբիծ կերպարն է:
Արդյունքում` լրահոսում ավելացել են ՊՆ նախարարի աշխատանքային այցերի ու պաշտոնական հանդիպումների մասին տեղեկատվությունները, սակայն գործնականում այդ հաղորդագրություններում նորություն չկա, այլ միայն քարոզչություն...
Ըստ երևույթին` գնալով ամրապնդվում ու լրջանում է նախնական այն որոշումը, որ իշխանության թեկնածուն 2018-ի նախագահական ընտրություններում լինելու է պաշտպանության նախարար Սեյրան Օհանյանը, ում 2017-ի խորհրդարանական ընտրություններից հետո պլանավորում են վարչապետ նշանակել։
