Սիրիայի նախագահ Բաշար Ասադը հայտարարել է, որ Դամասկոսը պատրաստ է մասնակցել սիրիական հակամարտության կարգավորման վերաբերյալ քննարկումներին:
«Մենք պատրաստ ենք քննարկել բոլոր հարցերը, սահմանափակումներ չկան»,- ֆրանսիացի լրագրողներին տված հարցազրույցում ասել է Ասադը:
Համաձայն թուրքական իշխանությունների հաղորդման՝ Սիրիայում խաղաղության հաստատման համաժողովի կազմակերպիչները Ռուսաստանն ու Թուրքիան են, այն տեղի կունենա հունվարի 23-ին,-հաղորդում է bbc-ն:
Ավելի վաղ Ռուսաստանի նախագահ Վլադիմիր Պուտինը հայտնել է, որ պայմանավորվել է Թուրքիայի առաջնորդ Ռեջեփ Թայիփ Էրդողանի հետ խաղաղ բանակցությունների գործընթացն Աստանայում շարունակելու հետ կապված Սիրիայում հակամարտող կողմերին արված առաջարկի շուրջ: Ղազախստանի նախագահ Նուրսուլթան Նազարբաևն իր աջակցությունն է հայտնել այդ նախաձեռնությանը և հայտարարել է Աստանայում այդ բանակցությունների համար հարթակ տրամադրելու պատրաստակամության մասին:
