▲ Դեպի վեր

ՎԵՐՋԻՆ ԼՈւՐԵՐԸ

ՀՀԿ-ական վարչապետ չպետք է լինի. հեղափոխությունը ևս մեկ քայլ ունի անելու. Նիկոլ Փաշինյան

Հանդիպումը չի կայանա, քանի որ Փաշինյանի կողմից միակողմանի առաջադրվել են նոր պահանջներ. Կարեն Կարապետյան

Ուրախ չէի, երբ Րաֆֆին հրաժարվեց ԱՄՆ քաղաքացիությունից ու վերադարձավ Հայաստան. Ռիչարդ Հովհաննիսյան

Հույս ունեմ՝ ԱՄՆ-ը կճանաչի Հայոց ցեղասպանությունը. Քիմ Քարդաշյան

Թուրքական պետական մարմինները կնքել են պատրիարքարանի դռները, որ Բեքչյանը ներս չմտնի



2017-05-18 13:46:52

Մարտի 15-ին Ստամբուլում գումարվել էր Պոլսի հայոց պատրիարքարանի կրոնական ժողովը՝ պատրիարքի տեղապահ ընտրելու համար: Ընտրություններում 12 ձայնի առավելությամբ Պատրիարքի տեղապահ է ընտրվել Գերմանիայի հայոց թեմի առաջնորդ Գարեգին արքեպիսկոպոս Բեքչյանը: Ընտրություններին մասնակցելու իրավունք է ունեցել Պոլսո միաբանության 34 հոգևորական, որոնցից 23-ը իր ձայնը տվել է Բեքչյանին: Աթեշյանը ստացել է 11 ձայն: Ընտրություների ավարտից րոպեներ անց Աթեշյանը լրատվամիջոցներին և հոգևորականներին է ներկայացրել Ստամբուլի նահանգապետարանից ստացված պաշտոնական գրությունը և հայտարարել, որ չի հեռանա տեղապահի պաշտոնից: Փոխնահանգապետ Ազիզ Մերջանի ստորագրությամբ և «շտապ» մակագրությամբ նամակում նշվում է, որ պատրիարքի ընտրության գործընթացը իրավաբանորեն հնարավոր չէ:

Թեկնածուներն էին պատրիարքի փոխանորդ Արամ արքեպիսկոպոս Աթեշյանը, Գարեգին Բեքչյանը և պատրիարքության հոգևոր խորհրդի ատենապետ Սահակ եպիսկոպոս Մաշալյանը: Վերջինս ընտրությունների նախօրյակին հայտարարել էր թեկնածությունը հանելու մասին՝ հօգուտ Գարեգին Բեքչյանի:

Վերլուծաբան Սարգիս Հացպանյանն օրերս այս խնդրին անդրադառնալով ասել էր.

«Այժմյան վիճակն, իրոք, աննախադեպ է: Անգամ Պոլսո պատրիարքարանի դռներն են փակել Գարեգին արքեպիսկոպոս Բեքչյանի դիմաց: Թուրքական ոստիկանությունն արգելել է նրան ներս մտնել: Ավելին, պատրիարքարանի դիմաց գտնվող Սուրբ Աստվածածին եկեղեցում տեղապահն ու Մաշալյանը համատեղ ցանկացել են աղոթել, դռները պարանով փակել են՝ Աթեշյանի հրամանով: Ու այս ամենի համատեքստում զարմանալի է Մայր Աթոռի պահվածքը: Այսինքն, Աստծո տունը փակում է ու չի թողնում աղոթել: Սա անհեթեթություն է: Միայն եկեղեցու դռները փակելու համար Աթեշյանին կարելի էր կարգալույծ անել»:

Կոմիտաս վարդապետ Հովնանյանի խոսքով՝ ամեն ինչ այդքան հեշտ չէ.

«Խոսքը վերաբերում է արքեպիսկոպոսին, որը երկար ժամանակ այդ աթոռի պատասխանատուն է եղել: Կարգալույծ անելը դյուրին չէ, քանի որ վաղը մեկ այլ խնդրի առջև կարող ենք կանգնել: Աստված չանի, եթե Պոլսո պատրիարքությունն անկախություն հայտարարի ու սրան աջակցի թուրքական կառավարությունը: Աթեշյանը Թուրքիայի հավատարիմ քաղաքացի է համարվում: Այնպես որ, պետք է շատ ավելի խոհեմ գտնվել: Տա Աստված՝ ոչ ցանկալի երևույթներ չլինեն.մեզ միայն դա էր հիմա պակաս»,-լրագրողների հետ հանդիպման ժամանակ ասաց Կոմիտաս վարդապետը:

Ինչ վերաբերում է  Գարեգին արքեպիսկոպոս Բեքչյանին, ապա նա Կոմիտաս վարդապետի փոխանցմամբ՝ Պոլսում չէ.

«Պետական մարմինները կնքել են պատրիարքարանի դռները, որպեսզի նա ներս մտնել չկարողանա: Հիմա սպասում է հարցի դրական լուծմանը»,-նկատեց Կոմիտաս վարդապետ Հովնանյանը:

Բանախոսը հույս հայտնեց, որ ի վերջո, հոգևոր հոր կեցվածքը կտեսնի.

«Ամբողջ համայնքը Աթեշյանին սրբազան հայր է ասում: Ես ուզում եմ այդ սրբությունն ու հոգևոր հոր կերպարը տեսնել»,-նշեց Կոմիտաս վարդապետը:

Անի Կարապետյան







Нравится





Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:

Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.