«ՀՀ-ԵՄ համապարփակ և ընդլայնված գործընկերության համաձայնագիրը վաղ թե ուշ պետք է ստորագրվեր: Խնդիրները կապված էին Ռուսաստանի հետ: Պարզվեց, որ պաշտոնական Մոսկվան հաշտվեց ու համաձայնեց, որպեսզի Հայաստանն ավելի սերտ կապեր ունենա Եվրամիության հետ»,-լրագրողների հետ հանդիպման ժամանակ ասաց քաղաքագետ Ալեքսանդր Մանասյանը՝ հավելելով.
«Օրերս ռուսական հետուստաալիքով այս թեմայով քննարկում է տեղի ունեցել, որին չպետք է ուշադրություն դարձնենք: Ռուսաստանը, իմ կարծիքով, նախապես տվել է իր համաձայնությունը Հայաստանի և Եվրամիության հետ կապի համար: Վստահ եմ՝ Հայաստանը հավաստիացրել է Ռուսաստանին, որ դա գլխացավանք չի դառնա»: