Գագիկ Ծառուկյանի`«աղջի՛կ ջան, դու կարող ա՞ Ապարանից ես» արտահայտությունը  համացանցում բուռն քննարկման առարկա է դարձել:  Կան քննադատողներ, որոնք  նշում են, թե  ԲՀԿ առաջնորդի այդ  արտահայտությունից ապարանցիները վիրավորվել են ՝ մասնավոր զրույցներում ու քննարկումների ժամանակ հայտնելով, թե նման բան չէին սպասում այն գործչից, որին ընդունել ու ձայն են տվել ընտրությունների ժամանակ:  Քննարկման մասնակից մի ստվար մասն էլ նշում է, որ շրջանառվող  թեման արհեստածին է նետված շրջանառության մեջ՝ մանավանդ, որ նման  կատակով արտահայտություն բոլորն են անում և որևէ մեկը դրա հետևում վիրավորանք չի տեսնում: