«Երկիր Ծիրանի»-ի անդամ Զարուհի Փոստանջյանն Երևանի ավագանու արտահերթ նիստի ժամանակ արտահերթ ելույթ ունեցավ ու խոսեց Քաղաքապետարան տեղափոխված գարշահոտության մասին:
«Նուբարաշեն ՔԿՀ-ի հարևանությամբ գտնվող տարածքից: 5 շենքի բնակիչ շնչում է սա: Մենք կարծում ենք, որ պետք է դադարցնենք ապրել գարշահոտության մեջ: Ձեզ ոչ թե պետք է ուղեկցի թանկարժեք օծանելիքի ու կոնյակի բույրը, այլ այն գարշահոտը, որի մեջ մեր պետությունն է: Դուք մի պահ զգացիք հոտը, իրարանցում եղավ: Անգամ հարձակվեցիք Մարինա Խաչատրյանի վրա: Վախենում եք վիրաբույժ տիկնոջից, որ մարդկանց կյանքեր է փրկում: Վախեցաք, որ կխեղդվե՞ք: Ի դեպ, չեն խեղդվում, բայց թունավորվում են: Մենք ձեր կյանքը թունավորելու ենք»,-ասաց Զարուհի Փոստանջյանը:
ՀՀԿ-ական Հասմիկ Սարգսյանն էլ խոսքն ուղղելով «Երկիր Ծիրանի»-ի անդամներին՝ ասաց, թե նրանք ոտնահարեցին մարդկային իրավունքները:
«Ուղղակի ուզում եմ հասկանալ՝ ինչպիսի՞ արգանդ է ձեզ լույս աշխարհ բերել: Դուք երևանցու շահերը չեք ներկայացնում, ոտնահարում եք: Որես կենսաբանական գիտությունների թեկնածու, կենսամքիմիկ կարող եմ ասել, որ ձեր բերեծը ոչ թե կեղտաջուր էր, այլ պարունակում էր H2S: Շատերը վատ են զգացել, մեկին էլ հիվանդանոց են տեղափոխել, գտնվում է վերակենդանացման բաժանմունքում»,-ելույթում նշեց Հասմիկ Սարգսյանը:
«Ելք» խմբակցությունն էլ դատապարտեց «Երկիր Ծիրանի»-ի անդամի նկատմամբ կատարվածը.
Մենք դա դատապարտում ենք: Գուցե գեղեցիկ չէր նրանց արարքը, բայց ես մարդու չէի ծեծի»,-ասաց Ալեն Սիմոնյանը: