«Երկիր Ծիրանի» կուսակցության ղեկավար Զարուհի Փոստանջյանը այցելել է ՀՀ Ոստիկանության Կենտրոնի բաժանմունք՝ ցուցմունք տալու Երևանի ավագանու նիստում տեղի ունեցած միջադեպի առիթով, սակայն, ինչպես ինքն է նշում, քննիչը ներկա չի եղել: Հարցաքննության փոխարեն Զարուհի Փոստանջյանը ֆեյսբուքյան ուղիղ միացում է իրականացրել՝ հընթացս ներկայացնելով իր տեսակետը իրավական համակարգի մասին:
Մինչ այդ, Զարուհի Փոստանջյանը Երևանի քաղաքապետարանից էր հանդես եկել տեսաուղերձով՝ ներկայացնելով իր նամակը ՀՀ-ում հավատարմագրված օտարերկրյա դեսպաններին:
