-Հայաստանում ով էլ գա իշխանության՝ չեմ կարծում, որ եղած գիծը փոփոխվի: Խոսքը վերաբերում է առանց նախապայմանների սահմանի բացմանն ու դիվանագիտական հարաբերությունների հաստատմանը, Հայոց ցեղասպանության միջազգային ճանաչման համար հետևողականորեն տարվող աշխատանքին,-լրագրողների հետ զրույցում խոսելով հայ-թուրքական հարաբերությունների մասին՝ ասաց թուրքագետ Ռուբեն Մելքոնյանը:
Անդրադառնալով հունիսի 24-ին Թուրքիայում արտահերթ նախագահական ու խորհրդարանական ընտրություններին՝ թուրքագետը նշեց, որ ավտորիտար իշխանությունն ավելի է ուժեղանալու:
-Ավելին՝ չեմ կարծում, որ նման իշխանության դեպքում Թուրքիան որևէ զիջումների կգնա հայ-թուրքական հարաբերություններում, ճիշտ հակառակը՝ կոշտացում կլինի:
Անի Կարապետյան