▲ Դեպի վեր

lang.iso lang.iso lang.iso

Տպավորություն կա, որ վարչապետը խիստ մտահոգված է նաև իր մասնակցությամբ ձայնագրությունների առկայությամբ. Աշոտյան

Նիկոլ Փաշինյանի հայտարարությունները գնալով ավելի տարօրինակ են դառնում։

Այս մասին ֆեյսբուքյան գրառման մեջ նշում է ՀՀ ԱԺ «ՀՀԿ» խմբակցության պատգամավոր Արմեն Աշոտյանը։

«ԱԺ-ում և Փարիզում անդրադառնալով հայտնի ձայնագրությանը՝ վարչապետը ոչ միայն չցրեց ամպերը, այլ նաև միայն ապացուցեց, որ Հայաստանի դատական համակարգի վրա ունի անմիջական և ուղղակի ազդեցություն։



 

 

 

 

 

 

 

 

Այդ քրեական գործով նրա հայտարարությունների դինամիկան և շրջադարձները ցույց են տալիս, որ մեզ համառորեն և անհաջող կերպով փորձում են մոլորեցնել։

Սակայն առավել մտահոգիչ է, որ վարչապետի պահվածքից ստեղծվում է կայուն տպավորություն, որ նա խիստ մտահոգված է նաև իր մասնակցությամբ ձայնագրությունների առկայությամբ, և Աստված գիտի, թե ինչ նոր հարվածներ է ստանալու գործող վարչախումբը և ինչ նոր մարտահրավերներ կառաջանան Հայաստանի համար։

Երբ իշխանությունը դառնում է այդքան խոցելի, խոցելի է դառնում ամբողջ պետությունը։ Եվ այս իրավիճակում Ազգային Ժողովը պետք է դառնա իրականությունը բացահայտող և Սահմանադրությունը գործադիրի ոտնձգություններից պաշտպանող կարևորագույն ինստիտուտը»,– գրառման մեջ նշում է Աշոտյանը։

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Քաղաքականություն ավելին