Երեկվա ՀՀԿ-ի հայտարարությունը խելամիտ եմ համարում: Այս մասին ԱԺ-ում լրագրողների հետ զրույցում նշեց ՀՀ վարչապետ Նիկոլ Փաշինյանը՝ անդրադառնալով ՀՀԿ-ի հայտարարությանը, ըստ որի, վարչապետի հրաժարականից հետո ՀՀԿ-ն վարչապետի թեկնածու չի առաջադրելու:
Նշենք, որ վարչապետը Ազգային ժողով էր եկել ԱԺ նախագահ Արա Բաբլոյանի եւ ՀՀԿ խմբակցության ղեկավար Վահրամ Բաղդասարյանի հետ հանդիպելու:
Նա նշեց, որ այսօր ՀՀԿ խմբակցության ղեկավար Վահրամ Բաղդասարյանի հետ հանդիպման նպատակը կատարյալ հանգստության ու հանդարտության պայմաններում իրավիճակը հանգուցալուծելն է. «Երեկվա «Հանրապետականի» հայտարարությունից հետո ես հարկ համարեցի գալ»,-ասաց նա՝ հավելելով, որ ՀՀԿ-ի հայտարարությունը խելամիտ է համարում:
Փաշինյանը տեղեկացրեց, որ հանդիպում է ունենալու նաեւ ՀՅԴ-ի հետ:
