Այսօր՝ դեկտեմբերի 18-ին, մամուլի ասուլիսի ժամանակ Հայաստանում Ռուսաստանի արտակարգ և լիազոր դեսպան Սերգեյ Կոպիրկինը, անդրադառնալով հարցին, թե ինչու Մոսկվան չի շնորհավորել ՀՀ վարչապետի պաշտոնակատար Նիկոլ Փաշինյանին խորհրդարանական ընտրություններին հաղթանակի կապակցությամբ, նշել է, որ գործում է միջպետական արարողակարգ, որի համաձայն՝ այդպիսի շնորհավորանքներն ընդունված չեն։
Կոպիրկինը հստակեցրել է, որ շնորհավորանքները հղվում են այն բանից հետո, երբ արդեն տեղի է ունեցել նշանակումը.
«Մենք հետևում ենք իշխանական կառույցների ձևավորման ժամանակացույցին, այդ իսկ պատճառով այդտեղ հարցեր չեն առաջանում»,– պարզաբանել է դեսպանը։
Կարդացեք նաև՝ ՀԱՊԿ գլխավոր քարտուղարի նշանակումը ոչ թե պետք է թուլացնի, այլ ամրապնդի կազմակերպությունը. ՌԴ դեսպան