▲ Դեպի վեր

ՎԵՐՋԻՆ ԼՈւՐԵՐԸ

Արցախը պետք է միանա Հայաստանին. Ն.Ս.Օ.Տ.Տ. Արամ Ա կաթողիկոս

Գործից մինչև «գլխառադ», «քֆուրից» մինչև օրհնանք

Որտեղի՞ց կրկին առաջացավ հայաստանցի-ղարաբաղցի տարանջատումն ու ինչի՞ կարող է հանգեցնել․Հարցում

Նման մարդիկ ունեն լուրջ հոգեկան խնդիրներ․․․Դավիթ Բաբայանը՝ ներհայկական պառակտիչ գործընթացների մասին

Հերթը Աժ-ինն է, որ ընդունենք և ճանաչենք մարտի 1-ի բոլոր տուժածների տառապանքը. Լենա Նազարյան



2019-04-22 15:08:25

«Այս տարի մարտի 1-ին վարչապետ Նիկոլ Փաշինյանը պետության անունից ներողություն հայցեց բոլոր զոհերի հարազատներից, տուժածներից և անարդարությանը բախված բոլոր քաղաքացիներից: Այժմ Ազգային ժողովի հերթն է, որ մե՛նք ընդունենք ու ճանաչենք տուժածների տարիների տառապանքը: 

Այսօր ԱԺ-ում քննարկվեց 2008 թվականի մարտի 1-ից 2-ը Երևանում տեղի ունեցած հայտնի իրադարձությունների ժամանակ տուժած անձանց աջակցության տրամադրման մասին նախագիծը: 

Ահա, մի քանի հիմնավորում և պարզաբանում նախագծի վերաբերյալ: 

ՈՎՔԵ՞Ր ԵՆ ՆԱԽԱԳԾԻ ՇԱՀԱՌՈՒՆԵՐԸ: Նշված իրադարձությունների ժամանակ զոհված անձանց իրավահաջորդները և այն անձինք, որոնց առողջությանը պատճառվել է ծանր կամ միջին ծանրության վնասվածք: Շահառուների շրջանակն այս պահին հայտնի է այնքանով, որքանով որ իրավապահ մարմինների մոտ առկա են տուժածների վերաբերյալ դատաբժշկական փորձաքննությունների եզրակացությունները: Եթե կլինեն այլ տուժած անձինք, որոնք նախկինում չեն հայտնել իրենց մասին, ապա պետք է դիմեն իրավապահ մարմիններին և ներկայացնեն իրենց վերաբերող ապացույցներ: Այդ անձինք նաև գործում կներգրավվեն որպես վկա: 

 



ԻՆՉՊԻՍԻ՞ ԱՋԱԿՑՈՒԹՅՈՒՆ Է ՏՐԱՄԱԴՐՎԵԼՈՒ: Աջակցության տրամադրման ձևը, չափը և տրամադրման կարգը, ինչպես նաև աջակցության տրամադրման համար դիմումի ձևը, կցվող փաստաթղթերի ցանկը և քննարկման կարգը սահմանվելու են ՀՀ կառավարության որոշմամբ՝ օրենքը ուժի մեջ մտնելուց 3 ամսվա ընթացքում: Աջակցության տրամադրման ժամկետը կսահմանվի նշված կառավարության որոշմամբ: Իսկ օրենքի գործողության ժամկետը մինչև 3 տարի է: 

Ի՞ՆՉ ՆՇԱՆԱԿՈՒԹՅՈՒՆ ՈՒՆԻ ՆԱԽԱԳԻԾԸ: Այս նախագծի ընդունումը ունի և՛ պետական, և՛ մասնավոր նշանակություն: 1. Նախ մենք վերահաստատում ենք պետության դերը՝ որպես քաղաքացիների քաղաքական, քաղաքացիական իրավուքնների, ազատությունների և ժողովրդավարական արժքեների պաշտպան ու երաշխավոր: 2. Մենք քայլ ենք անում հանրային համերաշխության հաստատման, պետություն-քաղաքացի վստահության վերականգնման ուղղությամբ և այս վերաբերմունքով տուժածներին և ընտանիքներին հանգստություն ձեռք բերելու ու հոգսերը մեղմելու հնարավորություն ենք տալիս: 

Եվ վերջապես այս նախագիծը համահունչ է Ազգային ժողովի օրակարգում գտնվող անցումային արդարադատության շրջականերում ձեռնարկվելիք այն միջոցների և հնարավորությունների ստեղծման նպատակին, որը նպատակաուղղված է քաղաքացիների սահմանադրական խախտված իրավունքների և ազատությունների, քաղաքացիական համերաշխության և պետական ինստիտուտների հանդեպ վստահության վերականգնմանը: 

Երկրորդ ընթերցումից հետո նախագիծն ուժի մեջ կմտնի մայիսի երկրորդ շաբաթվա ընթացքում: Իսկ կառավարության որոշման մշակման աշխատանքներն արդեն իսկ վաղը կմեկնարկեն»,-գրել է ԱԺ փոխնախագահ Լենա Նազարյանը ֆեյսբուքյան իր էջում՝ ներկայացելով իր ելույթը ԱԺ-ում:







Нравится





Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:

Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.