«Իմ Քայլը» խմբակցության պատգամավոր Անուշ Բեղլոյան. Պետությունը պետք է ծառայի իր մաս հանդիսացող անհատին, այդ պարագայում պետությունը կայուն է և հարատև, իր քաղաքացիների իրավունքները ոտնահարող պետությունը զրկվում է այդ անհատներից, այդպիսի պետությունը ի վերջո մերժված է և ֆորմալ բնույթ է կրում։ Բարի առաջնորդը , կարող է լավագույն մղումներով փոփոխություններ իրականացնել, բայց եթե անհատների սահմանադրական իրավունքները և ազատությունները պաշտպանված չեն վստահություն վայելող դատական համակարգի կողմից ապա նույնիսկ լավագույն փոփոխությունը չի կարող հարատեև լինել և վերադարձնել անհատին պետության տիրույթ։
Արդյոք մենք գնում ենք բարի թագավորի ,անձի առանձնահատկություններով պայմանավորված իշխանության համակարգի կազմալուծմանը Սահմանադրական դատարան ուղղելով այնպիսի անձին , ով իր կյանքով և իր ամբողջ գործունեությամբ ապացուցել է որ իր հիմնական նպատակն է կլանային համակարգի ոչնչացումը թե դեմ քվեարկելով կապացուցենք որ հույս ենք փայփայում մի օր հետ պտտել պատմության անիվը։
Անհատի , քաղաքացու իրավունքների համակարգային պաշտպանության կայացումը դարձնում հայաստանում իրականացվող փոփոխությունները անդառնալի , բացառելով յուրաքանչյուր իշխանափոխության պարագայում նախկին բարքերի վերադարձը։ Հենց այդ պատճառով Վահե Գրիգորյանի ընտրության հանդեպ մեր այսօրվա վերաբերմունքը հիանալի ցուցիչ կլինի մեր իրական մտադրությունների և մեր էական նպատակների համար , հանուն որոնց մենք հայտնվել ենք խորհրդարանում։
Կարդացեք նաև՝ Վահե Գրիգորյանն ընտրվեց Սահմանադրական դատարանի դատավոր
