Բժիշկները շոտլանդացի կնոջ հեշտոցից 11 սմ-անոց սեքս-խաղալիք են հեռացրել, որը կնոջ ներսում մնացել էր 10 տարի։ Նա հիվանդանոց էր դիմել որովայնային ցավերի պատճառով:
Daily Mail-ի փոխանցմամբ` 38-ամյա կինը հիվանդանոց էր դիմել քաշի ծանր կորստով, դողերոցքով եւ ուժերի անկումով, ինչպես նաեւ անմիզապահությամբ։ Հետազոտության արդյունքները ապշեցրել էին բժիշկներին՝ կնոջ մեջ օտարածին մարմին էր հայտնաբերվել։ Առեղծվածային մարմինը հեռացնելուց հետո պարզվել էր, որ դա 11 սանտիմետրանոց սեքս-խաղալիք է։
Բժշկական անձնակազմը ավելի էր ապշել, երբ կինը հայտնել էր, որ ֆալոիմիտատոր վերջին անգամ օգտագործել է 10 տարի առաջ։ Կինը նաեւ խոստովանել էր, որ այդ ժամանակ հարբած է եղել, եւ անգամ չէր հիշում, խաղալիքը հանել էր, թե ոչ։
Ինչպես վկայում են հիվանդանոցային փաստաթղթերը, կինը մտավոր հետամնացության, փսիխոզի, դեպրեսիայի հատկանիշներ չի ունեցել եւ բռնության չի ենթարկվել։ Մինչդեռ սեքս-խաղալիքը նրա կյանքին սպառնացող վնասումներ էր առաջացրել։
Թեեւ այս դեպքը եզակի է, 10 տարին կնոջ հեշտոցում օտարածին մարմնի գտնվելու ամենամեծ ժամկետը չէ։ Ռեկորդայինը 35 տարին է։ Կնոջ հեշտոցում մինչ այսօր գտել են արճիճե գլանակ, պլաստիկե բաժակ, մազի լաքի կափարիչ եւ մանկական խաղալիք:
