▲ Դեպի վեր

lang.iso lang.iso lang.iso

Ինչու միայն միջակություննե՞րն են ունակ համախմբվել,աճել ու բազմանալ...

Համախմբվել,աճել,բազմանալ...

Կա այսպիսի մի իրողություն.

<< Միջակություններն ունակ են` համախմբվել,աճել ու բազմանալ, տիրելու համար այն ամենին,ինչին կոչված չեն` ըստ էության:
Որովհետև,ապաշնորհության ինքնապաշտպանության լավագույն միջոցը` ամբողջատիրությունն է >> :

Համախմբվել,աճել,բազմանալ...Ուշադրություն դարձնենք,որ երեքն էլ դրական հատկանիշեր են...

Իսկ հիմա` հարց.

<< Ինչու այս նույն հատկանիշերով օժտված չեն` շնորհալի ու տաղանդավոր մարդիկ >>...

Համաձայնեք,որ խորհելու բաներ,այնուամենայնիվ, կան:

Հաճախ եմ փորփրում` տալիք-առնելիքներ,վերլուծում դրանք ինքս իմ ապրելակերպում,դիտարկում` ուրիշների օրինակներով, ու ամեն անգամ,ինքնաքննադատությունս հանդես է գալիս միևնույն եզրահանգմամբ.

<< Որովհետև,ի հակառակ միջակությունների երեք դրական հատկանիշերի,շնորհալի մարդիկ էլ օժտված են մի քանի` իրենց բացասական հատկանիշերով >>:

Օրինակ. համախմբված չլինելու հանգամանքն,արդեն իսկ, դրական համարվել չի կարող:Լավ,իսկ` ինչու:

Արդյոք ինքնագնահատականի հանդեպ չափից ավելի սիրահարվածությունը,մեկ այլ` շնորհալի կամ տաղանդավոր մարդու հանդեպ / ինչ-ինչ պատճառներով... / անտարբերության ու իներտության դրսևորումը և սեփական անձի հանդեպ գնահատանքների ակնկալիքների առաջնահերթությունների ձգտող համոզվածությունները չեն այն պատճառները,ինչերից արհեստավարժ կերպով կարողանում է օգտվել` հակառակ կողմը. համախմբվու~մ,աճու~մ ու բազմանում է:

Փաստը մնում է փաստ,որ մերօրյա հեղինակավոր մարդկանց հասարակությունից իներտացումը,կապված չէ վերջիններիս սեփական կամքով դաշտը լքելու ցանկությունների հետ:Բարձր արժեքներով առաջնորդվող մարդիկ միշտ էլ սիրում են ակտիվ ապրելակերպի կիզակետերում լինել,բավարարվելով,գնահատված ու պիտանի լինելու` իրենց համար կարևորագույն զգացողությամբ:

<< Ամբողջատիրության >> խորհուրդն այս մարդկանց մոտ այլ է:Նրանք պատրաստ են զրկանքներ կրել,ապրել կենցաղային վատ պայմաններում,փոխարենն` իրենց մտքի և կարողությունների ողջ պոտենցիալը դառնա համընդհանուր արժեք:

Դրակա~ն է:

Ես կասեի` բարձրագոչ ու քաղցրահնչյուն:Սակայն ում է հարկավոր այստեսակ պերճախոսությունը,երբ մեր օրերում, փաստացի,մատնված է անտարբերության:

Համախմբվել,աճել,բազմանալ...

Կարծում եմ, արժե լրջորեն խորհել` այս ամենի շուրջ...

 

Ազատ Աբրահամյան 

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Բլոգ ավելին