Եգիպտոսի դատարանն արդարացրել է բժիշկ Ռասլան Ֆադլիին, ով 2013-ի հունիսին թլպատել էր 13-ամյա Սոհաիր էլ-Բատեային, ինչի հետևանքով աղջիկը մահացել էր: Ընդ որում բժիշկը թլպատումը կատարել էր հենց երեխայի հոր պահանջով: Թեև 13-ամյա աղջիկը մահացել է հենց թլպատումից առաջացած բարդույթներից, միևնույն է, թե բժիշկը, թե հայրն արդարացվել են:
Չնայած դրան` բժշկին դատարանը պարտավորեցրել է վճարել 700 դոլար՝ դատական ծախսերի համար։
Ուշագրավն այն է, որ նախկինում Եգիպտոսի կառավարությունն օրենք էր ընդունել, որի համաձայն արգելվում էր կանանց թլպատումը, սակայն 2008-ից օրենքը կրկին ուժի մեջ է մտել:
Նշենք, որ ժամանակակից բժշկությունը դեմ է թլպատման գործընթացին, քանի որ այն փոփոխում, խեղման է ենթարկում կանանց արտաքին սեռական օրգանները, խոչընդոտում է միզարձակմանը, ինֆեկցիոն հիվանդությունների վտանգ է առաջացնում, մեծացնում է նորածինների մահվան հավանականությունը, առաջացնում է արյունահոսություն և անգամ՝ մահ:
