▲ Դեպի վեր

lang.iso lang.iso lang.iso

ArmNews-ը չի փակվելու. այն ղեկավարելու է Հրաչ Քեշիշյանը

Հարգելի իմ ընկերներ, կուզեի համառոտ խոսել երեք խնդիրներից, որոնք երկարաժամկետ կամ կարճաժամկետ ինտերվալներում ծառանում են իմ առաջ ու որոշակի անհանգստություն են պատճառում՝ պայմանավորված ձեր՝ ինձ ուղղված հարցերով կամ անուղղակի ակնարկներով: Սենց երկար ու ծանր բաներ մեկ էլ եսիմ երբ եմ գրել, դե պատկերացրեք, որ կարիքը զգացվեց:

1. Արմնյուզը չի փակվելու: Արմնյուզը աստիճանաբար փոխակերպվելու է բոլորովին այլ որակի ու բովանդակության հեռուստաընկերության՝ պայմանավորված պարզապես ներքին կադրային փոխատեղումներով: Նախկին տնօրեն Արտակ Ալեքսանյանն իր պրոֆեսիոնալ թիմով հրավիրվել է ղեկավարելու Արմենիայի Ժամը լրատվականը, վստահաբար թարմ արյունը լուրերին նոր որակ ու թափ կհաղորդի (արդեն հաղորդում է): Արմնյուզը ղեկավարելու է հրավիրվել Հրաչ Քեշիշյանը, որն իր թիմի հետ ծանր ու քրտնաջան աշխատանք է տանում Արմնյուզի նոր բրենդային դեմքը կազմակերպելու ուղղությամբ, հրաշալի մարդիկ է հավաքել իր շուրջը, միասին հրաշալի թիվի են ստեղծելու, համբերատար եղեք: Արմքոմեդին լինելու է, ես այնտեղ՝ հնարավոր է՝ ոչ, պայմանավորված այլ աշխատանքի անցնելու կապակցությամբ:

2. Այո, իմ առողջությունը վերջին շրջանում փոքր-ինչ էն չի, դրանով պայմանավորված՝ երբեմն նաև տրամադրությունս: Շատ ցավում եմ, որ դա նկատելի է լինում, բայց վստահ եղեք՝ ես այդքան վատ չեմ, որ ինձ անընդհատ հարցնեք այդ մասին ու հոգատարություն դրսևորեք: Խնդրում եմ ներեք, բայց դա հոգնեցուցիչ է, ու երբեմն նույնիսկ՝ ստորացուցիչ, երբ ստիպված ես լինում բացատրություններ տալ զուտ քաղաքավարությունից ելնելով: Ես կկազդուրվեմ լիարժեք, խոստանում եմ:)

3. Իմ փրոֆայլ նկարի ընտրությունն իմ գործն է՝ տեղավորվում է դա ընդհանուր մեյնսթրիմի մեջ, թե ոչ: Կոնկրետ բանակային նկարի մասով ասեմ, որ ես արդեն մի քանի տարի նույն նկարը այս օրը փոխում դարձնում եմ գլխավոր նկար: Դուր չի՞ գալիս, ձեր ցավն էլ տանեմ, լուռ զզվեք: Ու շնորհավոր գուցե ոչ աշխարհի ամենամարտունակ, բայց ինձ համար աշխարհի ամենակարևոր բանակի օրը:

Ավելի պակասի համար՝ կներեք:

Վահագն Թևոսյան

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Բլոգ ավելին