dailymail.co.uk-ը նշում է, որ նդկական Գուջարատ նահանգում են բնակվում աշխարհի ամենագեր երեխաներից 3-ը: Նրանցից ավագը Յոգիտան, 5 տարեկան է և կշռում 48 կգ, միջնեկը` Անիշան, 3 տարեկան է և կշռում է 34 կգ, իսկ նրանց կրտսեր եղբոր` 18 ամսական Հարշի քաշը 15 կգ է: Փոքրիկների ծնողները վախենում են, որ այսպես շարունակվելու դեպքում փոքրիկները կմահանան:

Աղբյուրը մանրամասնում է, որ 3 երեխաների ամենօրյա սննդի չափը կբավականացնի 2 ընտանիք 1 ամիս շարունակ կերակրելու համար: Երեխաների մայրը պատմել է, որ ինքն անընդհատ զբաղված է ճաշ պատրաստելով: «Երբ նրանք քաղցած են, սկսում են բղավել ու լացել, մինչև որ ես նրանց չեմ կերակրում: Բայց թե որն է երեխաներիս չհագենալու պատճառը` չգիտեմ»,- պատմել է մայրը: 

Նրանց հայրը` 34-ամյա Ռամեշբհայ Նանդվանան, երեխաներին մասնագետի մոտ տանելու ու նիհարելու համար անհրաժեշտ պրոցեդուրաներն ստանալու համար պատրաստվում է վաճառել մի երիկամը: