Երեկ Բուենոս Այրեսի Սան Մարտին հրապարակում հնարք է ցուցադրել հայ աճպարար Քրիստիան Թորոսյանը: Նա 100 րոպե կախված է մնացել օդում` ի հիշատակ Հայոց ցեղասպանության 100-րդ տարելիցի:
Միևնույն ժամանակ, մինչ նա իր հնարքն էր ցուցադրում, մի խումբ երիտասարդներ բոլոր հետաքրքրվողներին և լուսանկարվել ցանկացողներին Հայոց ցեղասպանության և ոգեկոչման հետագա միջոցառումների մասին պատմող տեղեկատվական թերթիկներ էին բաժանում:
«Թող, որ օդում չմնա» կարգախոսի ներքո իրականացված հնարքը լուսաբանել է արգենտինական Día a Día պարբերականը` ընդգծելով, որ 2013-ին Քրիստիան Թորոսյանը պարգևատրվել է Կորդովայում իր հասարակական աջակցության համար:
Քրիստիան Թորոսյանը Կորդովա նահանգում հայտնի է իր մասնագիտական աճպարարությամբ, այդ իսկ պատճառով էլ լևիտացիան է ընտրել որպես Ցեղասպանության 100-րդ տարելիցի ոգեկոչման եղանակ: