Blognews.am-ը գրում է.
Քնած երեխան գրկին, Բեյրութի փողոցներում գրիչ վաճառող միայնակ հոր լուսանկարը հալեցրել է համացանցի օգտատերերի սրտերը։ Պարզվում է, որ Աբդուլը սիրիացի փախստական է և միայնակ դաստիարակում է 4,5 տարեկան դստերը` Ռիմին և 9 տարեկան որդուն` Աբդելիլահային։
Օգոստոսի 27–ին, նորվեգացի բլոգեր Գիսսուր Սիմոնարսոնը դրամահավաք էր կազմակերպել, որը նախատեսում էր 5000 դոլար հավաքել` մի քանի շաբաթվա ընթացքում։ Բայց, բառացիորեն մի քանի օր անց, հիմնադրամի հաշվին արդեն 125 հազար դոլար կար։
Գումարն Աբդուլային կուղարկեն պարբերաբար, քանզի միանգամից ամբողջն ուղարկելը վտանգավոր է։
