Ընդամենը 30 րոպե տևողությամբ չափավոր ֆիզիկական ակտիվությունը կօգնի ավելի շատ կալորիա այրել, եթե մինչ այդ սպիտակուցով հարուստ որևէ մթերք օգտագործվի: Այս մասին հաղորդում է Meddaily-ն՝ հղում կատարելով DNA India-ին:
Արկանզասի համալսարանից Էշլի Բինսն ուսումնասիրել է սննդի և մարզանքի ջերմային ազդեցությամբ էներգետիկ ծախսը: Նա պարզել է, որ երբ սպիտակուցի ընդունումը զուգորդվում է մարզումներով, էներգետիկ ծախսը շարունակում է աճել: Հետևաբար՝ ավելի շատ կալորիա այրելու նպատակով ֆիզիկական ակտիվությունից առաջ ուտելիքից հրաժարումը անիմաստ է:
Առանց վարժությունների սպիտակուցներով հարուստ դիետան կարող է մկանային զանգվածի կորստի պատճառ դառնալ, քանի որ երբ օրգանիզմ է մուտք գործում սպիտակուցը, մարմնի ջերմաստիճանն սկսում է բարձրանալ, որպեսզի այրի սպիտակուցը՝ միաժամանակ ոչնչացնելով նաև մկանային մանրաթելերը:
Աղբյուրը՝ Blog.1in.am