Իրավապաշտպան Արգիվտի Կիվիրյանը ֆեյսբուքյան իր էջում գրել է. «Նոր վերադարձա Էրեբունիի ռեանիմացիայից՝ Պավլիկին ու իր տղային բժիշկները փորձում էին անջատել արհեստական շնչառության սարքից, թե ինչ կստացվի, դժվար ա հիմա ասել: Ցանկանանք առողջություն տղաներին...»
Հիշեցնենք, որ ոստիկանության լրատվության վարչության ներկայացուցիչները գիշերը հայտնում էին, որ «Սասնա ծռեր» զինված խմբավորման անդամներ Պավել Մանուկյանի և նրա որդու՝ Արամի կյանքին վտանգ չի սպառնում:
Ավելի վաղ ոստիկանության մամուլի քարտուղար Աշոտ Ահարոնյանը հայտնել էր, որ ՊՊԾ գնդի տարածքում իրավապահներին են հանձնվել զինված խմբի անդամներ Գագիկ Եղիազարյանն ու Արամ Հակոբյանը:
Տեղի է ունեցել փոխհրաձգություն, որի հետևանքով վիրավորվել է իրավապահներից մեկը, ինչպես նաև Պավել Մանուկյանն ու նրա որդի Արամը:
Երեքն էլ անմիջապես տեղափոխվել են հիվանդանոց:
