Հուլիսին կոմայի մեջ ընկած կինը բնական ճանապարհով, առանց կեսարյան հատման, հղիության 24-րդ շաբաթում առողջ երեխա է ծննդաբերել: 560 գ քաշով փոքրիկի անունը դրել են Լայֆ Լինն, և նա դարձել է զույգի վեցերորդ երեխան:
Քերրի Դեքիլենը իմացել է, որ հղի է ապրիլին, ընդամենը երկու շաբաթ անց այն բանից հետո երբ իր մոտ ախտորոշել են «գլիոբլաստոմա»: Նա ուռուցքի հեռացման երկու վիրահատություն է տարել, և նա՝ ամուսնու հետ, որոշել է հրաժարվել կլինիկական փորձարկումներից, որպեսզի պահպանեն երեխային: Իր կնոջ ու ապագա դստեր ճակատագրի մասին Նիկը գրել է Ֆեյսբուքի իր էջում, սակայն ինսուլտ տանելու մասին սեպտեմբերի 2-ի լուրից հետո նա լռել է: Ազգականները փորձել են իմանալ, թե ինչ է տեղի ունեցել, և պատասխանը նրանց ցնցել է. ապագա մայրը կոմայի մեջ է ընկել:
Չնայած այն բանին, որ կինը ոչնչին չէր արձագանքում և կյանքի նշաններ ցույց չէր տալիս, նրան հաջողվել է առողջ աղջիկ ծննդաբերել:
Ավելի վաղ Նիկն ասում էր, որ մորը ստիպված կլինեն անջատել կենսապահովման ապարատներից երեխայի լույս աշխարհ հայտնվելուց հետո:
Մնացած հինգ երեխաները շատ անհանգստանում են և հասկանում են, որ շուտով իրենք կկորցնեն իրենց մորը: Փոքրերին ասում են միայն, որ մայրն ծանր հիվանդ է: Հարազատները ուժերի ներածին չափով օգնում են երեխաներին խնամելու հարցում:
Աղբյուրը` Փաստինֆո
