Սյունիքի մարզի Կավարտ գյուղում բնակիչներն ահազանգում են, որ խմելու ջրի ծորակից արդեն մի քանի օր է՝ ժանգաջուր է գալիս, ինչը հնարավոր չէ օգտագործել: Բնակիչներից Փառանձեմ Հովհաննիսյանը տեսանյութ է հրապարակել իր ֆեյսբուքյան էջում ու գրել. «Երրորդ օրն է՝ Վեոլիա ջուր ենք ահազանգում, ամբողջ Կավարտ բանավանի ջուրը ամանորյա լիմոնադի է վերածվել, ընկերության պատասխանը մեկն է՝ շեղումներ չկան, ձեր ջուրը մաքուր է, խնդրում եմ օգնեք, շտապ է, օգնեք հասկանալ այս ջրի մաքրության գաղտնիքը»:
Տեսանյութում բնակիչը բացում է ծորակը, որտեղից հոսում է ժանգաջուրը և «Վեոլիա ջուր» ընկերությանը հարցնում.
«Կխմե՞ք այս ջուրը, «Վեոլիա ջրի» ժողովուրդ»:
