▲ Դեպի վեր

ՎԵՐՋԻՆ ԼՈւՐԵՐԸ

Զինծառայողը մարտական հերթապահության ժամանակ ականապայթյունային վնասվածք է ստացել

21-ամյա զինծառայողը մահացու վիրավորում է ստացել

Զավեշտ.Ադրբեջանն առաջարկել է, հայերն էլ համաձայնել են չնշել խաչքարերի ծագման վայրը

Հունվարի 1-ից ֆիզիկական անձինք կարող են 3-րդ երկրից մեքենա ներկրել, արգելքը նրանց չի վերաբերում. ՊԵԿ փոխնախագահ

Սեդրակ ՔՈՉԱՐՅԱՆԻՆ մերժեցին, բայց մրցույթը շահողն էլ ՊԱՏԱՀԱԿԱՆ ՄԱՐԴ ՉԷ



2012-11-02 10:26:18

Ուռուցքաբանական ախտորոշիչ նոր կենտրոնի շինարարական աշխատանքների մրցույթին մասնակցել են նախկին նախագահ Ռոբերտ Քոչարյանի որդուն պատկանող «Այգեձոր» ընկերությունը եւ վարչապետ Տիգրան Սարգսյանի հորեղբորորդուն պատկանող ընկերությունը: Այդ մասին գրում է «Ժամանակը»։

«Հետաքրքիր է, որ այս երկու ընկերություններից եւ ոչ մեկը չի շահել մրցույթը: Քոչարյանի որդին ամեն կերպ փորձում էր շահել այդ մրցույթը, բայց չկարողացավ: Կենտրոնը կառուցվում է Մրցունակության հիմնադրամի հովանավորությամբ եւ լինելու է այդ ոլորտում գերհզոր կենտրոն: 

Շինարարական աշխատանքների մրցույթը, սակայն, շահել է ինչ-որ MML ընկերություն, որը առաջին հայացքից ոչինչ չի ասում, եւ թվում է, թե այն կապ չունի որեւէ բարձրաստիճան պաշտոնյայի հետ: Բայց դա` առաջին հայացքից: 

«Ժամանակի» տեղեկություններով` MML-ը պատկանում է Լավրենտի Միքայելյանին: Ավելի շուտ` այդ ընկերությունը ստեղծել է ինքը, բայց հետո փոխանցել որդուն: Եվ ընկերության անունն էլ որդու անուն-ազգանուն-հայրանվան առաջին տառերն են. MML` Միքայելյան Միքայել Լավրենտիի: 

Ներկայացնենք Լ. Միքայելյանի հետ կապված մի քանի մանրամասներ: Վերջինս «Էներգացանցշին» ՍՊԸ խորհրդի նախագահն ու սեփականատերն է, եւ որ ամենակարեւորն է` Հանրային խորհրդի ֆինանսատնտեսական եւ բյուջետային հարցերի հանձնաժողովի ու էներգետիկական հարցերի ենթահանձնաժողովի նախագահն է: Լ. Միքայելյանը բոլորովին էլ պատահական մարդ չէ. նա կապեր ու հարաբերություններ ունի իշխանական վերնախավում: Ժամանակին նա կապ ուներ Ռ. Քոչարյանի հետ եւ որոշակի գործունեություն է ծավալել Լեռնային Ղարաբաղում: Դրանից հետո նա կապեր է հաստատել նաեւ գործող նախագահ Սերժ Սարգսյանի շրջապատի հետ: 

Լ. Միքայելյանը 1998թ. ընդամենը 80.000 դոլարով սեփականաշնորհել է իր ղեկավարած «Էներգացանցշին» ընկերությունն ու կից հանրակացարանի Բաբայան փողոցի ամբողջ հատվածը: Ընդամենը 15.000 դոլարով էլ սեփականաշնորհել է այդ ընկերության ճաշարանը:

«Էներգացանցշին» ընկերությունը գտնվում է Ազատության պողոտայի եւ Բաբայան փողոցի խաչմերուկում` Բաբայան 10/1 հասցեում: Լավ պատկերացնելու համար` նշենք, որ այդ շենքը Ազատության պողոտայի սկզբնամասի հենց առաջին եւ անկյունային շենքն է, որն ունի յուրահատուկ ճարտարապետական արժեք եւ անմիջապես նայում է հայտնի «Հաղթանակ» այգուն: Սակայն սեփականատերը տարիներ առաջ անթույլատրելի շինարարություն սկսեց այդ անկյունային հատվածում, փչացրեց շենքի ճարտարապետական տեսքն ու մինչեւ այժմ այն թողեց կիսակառույց վիճակում:

Մամուլում հրապարակումներ կային, որ «Էներգացանցշին» ընկերությունն իր նախորդից՝ սովետական տրեստից ժառանգել է շատ հարուստ կարողություն: Ընկերությանը պատկանող բազաները լի են եղել տեխնիկայով ու շինարարական նյութերով: 

Ի դեպ, 88-ի երկրաշարժից հետո այդ տրեստը շինարարական այլ ընկերությունների հետ միասին ունեցավ Հայաստան օգնություն մտած տեխնիկայի իր բաժինը: Այս ահռելի ժառանգությունը, ասում են, Լ. Միքայելյանը արժեզրկելով՝ փոխանցել է արդեն ընկերությունների հաշվեկշռին: Եվ հավանաբար հենց այդ գողացած հարստության հաշվին էլ նա իր որդիների համար շինարարական ընկերություն է հիմնել, իսկ ինքը կարողացել է մուտք գործել իշխանական տարբեր կառույցներ, այդ թվում` Հանրային խորհուրդ, որ իր կապերի միջոցով կարողանա շինարարական մրցույթներ ապահովել որդիների ընկերությունների համար: 

Այնպես որ` Հայաստանում եւ ոչ մի խոշոր մրցույթ` լինի դա շինարարական, թե այլ ոլորտում, պատահական մարդ չի չի շահում»,- գրում է թերթը:


 







Нравится





Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:

Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.