Պրահայի քաղաքային դատարանը հեռակա կարգով 22 տարվա ազատազրկման է դատապարտել «օրենքով գող» Անդրանիկ Սողոյանին (Ջապ)՝ հայ գործարարի սպանությունը պատվիրելու համար։ Այդ մասին գրում է «Ժամանակ» թերթը։ «Մեր տեղեկություններով՝ Ա. Սողոյանը բնակվում է Գյումրիում։ Արդարադատության նախարարության մամլո խոսնակ Կարինե Քալանթարյանից երեկ «Ժամանակը» հետաքրքրվեց՝ Հայաստանը կհանձնի՞ «օրենքով գող» Անդրանիկ Սողոյանին։ Ըստ մամլո խոսնակի՝ քանի որ ազատազրկման որոշումը նոր է հրապարակվել, Հայաստանն առայժմ Ա. Սողոյանին հանձնելու որոշում չունի։ Նա նաեւ նկատեց՝ երբ առաջանում է նման անհրաժեշտություն, ապա, «հանձնման մասին» 1957թ. Եվրոպական կոնվենցիայի համաձայն, Հայաստանը դա կատարում է»,- գրում է «Ժամանակը»։
Հայաստանը կհանձնի՞ «օրենքով գող» «Զապին»
Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Tweet