▲ Դեպի վեր

ՎԵՐՋԻՆ ԼՈւՐԵՐԸ

Հասկանալի է, որ ուզում եք ձեզ ցանկալի մարդիկ ընդունել, բայց այդպես մի արեք. Արայիկ Հարությունյանը՝ դպրոցների տնօրեններին

Այդ բարեփոխումների իրականացման ճանապարհին ՀՀ կառավարությունը կարող է մեզ վրա հույս դնել. Սվիտալսկի

Հանցագործության մասին անանուն հաղորդումներ՝ կոռուպցիոն բնույթի խախտումների վերաբերյալ

Մեր ռազմավարական տեսլականն է Հայաստանը դարձնել դրախտ տաղանդների համար. Նիկոլ Փաշինյան

Լրիվ իրականության զգացողությունը կորցրել ես. Փաշինյանը կոշտ խոսակցություն է ունեցել Ջանջուղազյանի հետ



2019-04-20 09:10:44

Asekose.am-ը ներկայացնում է հայաստանյան մամուլի ամենաուշագրավ հրապարակումները:

«Փաստ» օթերթը գրում է. «Ազգային ժողովի «Իմ քայլը» խմբակցության պատգամավոր Համազասպ Դանիելյանը հայտարարագրել է երկու բնակարան, հողամաս և բազմաբնակարան շենքի ոչ բնակելի տարածք: Այս մասին տեղեկանում ենք պատգամավորի՝ Բարձրաստիճան պաշտոնատար անձանց էթիկայի հանձնաժողովի պաշտոնական կայքում հրապարակված 2019թ. պաշտոնը ստանձնելու հայտարարագրից:

 

 

Համազասպ Դանիելյանը հայտարարագրել է նաև «NISSAN X-TERRA 3.3» մակնիշի ավտոմեքենա: Պաշտոնատար անձի հանձնած փոխառությունները պաշտոնը ստանձնելու օրվա դրությամբ կազմել են 870000 ՀՀ դրամ, 550000 ՀՀ դրամ, 13500 ԱՄՆ դոլար, 1350000 ՀՀ դրամ, 14500 եվրո, 10000 եվրո, 720000 ՀՀ դրամ, 3000 ԱՄՆ դոլար և 34350 ԱՄՆ դոլար:

Ինչ վերաբերում է դրամական միջոցներին, ապա պաշտոնը ստանձնելու օրվա դրությամբ Հ. Դանիել յանի դրամական միջոցը կազմել է 500 000 ՀՀ դրամ:

Պաշտոնական պարտականությունները ստանձնելու տարվա հունվարի 1-ից մինչև պաշտոնական պարտականությունները ստանձնելու օրը ստացված եկամուտների հանրագումրը կազմել է 439 110 ՀՀ դրամ: Նշված եկամուտը գոյացել է երկու աշխատավարձերից, որոնք կազմել են 358 160 ՀՀ դրամ և 80 950 ՀՀ դրամ»:

«Ժամանակ» թերթը գրում է. «Հայաստանի խորհրդարանում ցեմենտային կրքերի բորբոքումն իրականում առերեւույթ էր քաղաքական ուժերի բախում կամ հակադրություն՝ ԲՀԿ-«Իմ քայլը» ձեւաչափով:

Իրականում խորհրդարանում տեղի ունեցողը, իհարկե, արտախորհրդարանական ավելի լայն իրադարձությունները ներառյալ, բիզնեսի եւ քաղաքականության բախումն էր: Ավելի շուտ, բիզնեսի եւ քաղաքականության հայաստանյան սերտաճածության առերեսումը քաղաքական նոր իրողությունների եւ տրամաբանության անհրաժեշտության հետ:

Ցեմենտի հարցը գուցե մի օր կլուծվի, մինչդեռ գլխավոր հարցն այն է, թե երբ կլուծվի բիզնեսի եւ քաղաքականության սկզբունքային, ինստիտուցիոնալ տարանջատման հարցը:

Թավշյա հեղափոխությունից հետո մենք անկասկած ունենք բոլորովին այլ պատկեր, հենց թեկուզ խորհրդարանում, որտեղ ներկայացված երկու ուժ՝ «Իմ քայլը» մեծամասնությունն ու «Լուսավոր Հայաստանը» գործնականում տարանջատված են բիզնեսից: Սակայն անկասկած է, որ այս պատկերն առավելապես երկու ուժերի մոտեցումների, պատկերացումների, սկզբունքների եւ արժեքների եւ քաղաքական կամքի դրսեւորման արդյունք է, մինչդեռ, նույն կերպ խորհրդարանում ներկայացված է ուժ, որտեղ գերակշռում է լրիվ հակառակ տրամաբանություն ու մոտեցում, ինչը եւ դրսեւորվում էր ցեմենտային քննարկումների ժամանակ:

 

 

 

 

 

 

 

 

 

 

 

Ընդ որում, այստեղ խնդիրն այն է, որ մտածողության եւ արժեհամակարգային հիմքի տեսանկյունից այդ վարքագիծը միանգամայն բնական է: Խնդիրն էլ հենց այն է, որ պետք է հստակեցնել միջավայրերը, եւ բիզնեսը պետք է գործի բիզնես միջավայրում, քաղաքականությունը՝ քաղաքական, տվյալ դեպքում խորհրդարանում: Երբ տեղի է ունենում միջավայրային խեղում, ծագում են համակարգային խորքային խնդիրներ:

Ըստ այդմ, ամբողջ հարցն այն է, որ անհրաժեշտ են ինստիտուցիոնալ միջավայրային կարգավորումներ, որոնք բիզնեսին կդնեն եւ կպահեն իր միջավայրում՝ օրենսդրական պաշտպանության բավարար երաշխիքներով, իսկ խորհրդարանն էլ կթողնեն քաղաքականությանը՝ օրենսդրական լուծումների առավել խորքային, համակարգային ներուժով եւ արդյունավետությամբ:

Հայաստանում ոչ միայն տնտեսական, այլ նաեւ քաղաքական ռեֆորմացիայի ժամանակն է, առավել եւս, երբ քաղաքական ուժերի հարաբերակցությունը բխում է այդ ռեֆորմացիայի խորքային անհրաժեշտության շահերից, այսինքն՝ առավելագույնս հարմար է քաղաքական ռեֆորմացիայի եւ արդիականացման տանող օրակարգը սպասարկելու համար»:

«Հրապարակ» թերթը գրում է. «Մեզ փոխանցել էին, որ Սամվել Ալեքսանյանի շփումներն իշխանության հետ չեն ավարտվում Աննա Հակոբյանի հիմնադրամին փոխանցումներով, «շաքար» հարաբերություններ են ձեւավորվել Աննայի եղբոր՝ Հրաչ Հակոբյանի եւ Ալեքսանյանի քրոջ որդիների միջեւ․ նրանց միասին տեսել են «Լա Սկալա» համալիրում` «ցկցկալիս»։

Ճի՞շտ են այդ լուրերը․ հարցրինք պատգամավոր Հրաչ Հակոբյանին։ «Էդ տիպի լուրերն էնքա՜ն շատ են։ Սամվել Ալեքսանյանի քրոջ որդու հետ հանդիպել եմ վերջերս՝ իրենք միջնորդով ցանկացել էին ինձ տեսնել, որովհետեւ Արարատի մարզում ինչ-որ գործունեություն են ծավալում, Արարատի մարզպետի հետ միջնորդ չկար, որ հանդիպեին, ինձ հետ հանդիպեցին, որից հետո ես կազմակերպել եմ հանդիպում մարզպետի հետ։

Խոսքը վերաբերում էր նրան, որ իրենց կառուցած գործարանի համար պետք էր ճանապարհ կառուցել` թույլտվություն էր պետք»: Այ քեզ բան՝ Ալեքսանյանն ու իր քրոջ որդիները Ձեր հույսի՞ն էին մնացել, այսինքն՝ չեք «ցկցկում»։ «Ո՛չ, չեմ ցկցկում. ժամանակ չունեմ ցկցկալու»:

Հիշո՞ւմ եք` մի ժամանակ Ակսել Բակուցի գործերում էիք խաղում (Հ․ Հակոբյանը մասնագիտությամբ դերասան է, նկարահանվել է սերիալներում, ֆիլմերում), հիմա, փաստորեն՝ «միջնորդ տեր-բաբա»։ «Չէ, չէ` էդ մի հարցով խնդրել էին, կազմակերպեցի, ընդամենը՝ էդ, որովհետեւ կար մարզի շահը՝ աշխատատեղեր էին բացվելու»:

«Ժողովուրդ» թերթը գրում է․ «Դատական համակարգում լուրջ սկանդալ է հասունանում: «Ժողովուրդ» օրաթերթը տեղեկացրել էր, որ ՀՀ արդարադատության նախարար Արտակ Զեյնալյանը որոշում է կայացրել ՀՀ վճռաբեկ դատարանի 11 դատավորներին կարգապահական պատասխանատվության ենթարկելու համար դիմում ուղարկել ԲԴԽ:

Եվ հիմա ԲԴԽ-ն պետք է համապատասխան որոշում կայացնի: «Ժողովուրդ» օրաթերթին հասած տեղեկությունների համաձայն` ՀՀ վճռաբեկ դատարանի քաղաքացիական պալատի դատավորներն էլ քննարկել են ինքնապաշտպանվելու հնարավորությունները:

 

 

 

 

 

 

 

 

Մասնավորապես, դատավորներ Կարինե Պետրոսյանը եւ Ալեքսեյ Սուքոյանը դիմել են Վճռաբեկ դատարան ԲԴԽ նախագահ Գագիկ Հարությունյանի լիազորությունները դադարեցնելու պահանջով, սակայն այդ դիմումը դեռ վարույթ չի ընդունվել:

Եվ, ահա, մեզ հասած լուրերի համաձայն` քաղաքացիական պալատի դատավորները ներքին խոսակցության ժամանակ ասել են` եթե ԲԴԽ-ն իրենց կարգապահական պատասխանատվության կանչի, իրենք էլ կբավարարեն դատավորների դիմումն ու Գագիկ Հարությունյանի լիազորությունները դադարեցնելու որոշում կկայացնեն»։

«168 ժամ» թերթը գրում է. «Վարչապետ Նիկոլ Փաշինյանը բավարարել է քննիչի կայացրած որոշումը և ժամանակավորապես դադարեցրել է ՀՀ պետական վերահսկողական ծառայության ղեկավար Դավիթ Սանասարյանի պաշտոնավարությունը։ ԱԱԾ-ն հայտնել է, որ Դավիթ Սանասարյանին մեղադրանք է առաջադրվել ՀՀ քրեական օրենսգրքի 308-րդ հոդվածի 1-ին մասով:

Դավիթ Սանասարյանն ինքը հայտարարել է, որ իր դեմ հարուցված քրեական գործը շինծու է։ Ընդհանրապես, Պետական վերահսկողության ծառայության պետի շուրջ տեղի ունեցող իրադարձությունները շատ բազմաշերտ են։ Տպավորություն է ստեղծվում, թե գործ ունենք ներիշխանական ինչ-ինչ հակամարտության հետ։

Մյուս կողմից, սակայն, շատ խորհրդանշական է Դավիթ Սանասարյանի հայտարարությունը՝ իր նկատմամբ գործի սարքված, շինծու լինելու մասին։ Եթե նա ճիշտ է ասում, ստացվում է, որ հետհեղափոխական Հայաստանում հարուցված բոլոր քրեական գործերն էլ կարող են շինծու լինել։

Ընդ որում, Սանասարյանն իր հայտարարությամբ անուղղակիորեն մեղադրում է վարչապետ Նիկոլ Փաշինյանին, քանի որ ԱԱԾ-ն ենթարկվում է հենց վերջինիս, ինչպես Սանասարյանի ղեկավարած Պետական վերահսկողական ծառայությունը։

Ստացվում է, որ վարչապետին ենթակա կառույցներից մեկը գործ է հարուցել վարչապետին ենթակա մեկ այլ կառույցի ղեկավարի նկատմամբ, վերջինս էլ հայտարարում է, որ գործը շինծու է։

Դավիթ Սանասարյանը թավշյա հեղափոխության ամենաակտիվ մասնակիցներից մեկն էր, և, փաստորեն, գործ ունենք իրավիճակի հետ, երբ հեղափոխությունը խժռում է իր զավակներին»:

 

 

 

 

 

 

 

 

«Հրապարակ» թերթը գրում է. «2020 թվականի նախագահական ընտրություններին ընդառաջ Արցախում նախընտրական աժիոտաժը սկսված է։ Վերջին օրերին գրասենյակներ են բացում նախագահի հավանական թեկնածուներ, Արցախի նախկին վարչապետ Արայիկ Հարությունյանն ու ԱԱԽ քարտուղար Վիտալի Բալասանյանը։

Մեր աղբյուրների փոխանցմամբ, Բալասանյանի՝ Ստեփանակերտում գտնվող կենտրոնական գրասենյակում մարդաշատ է, սակայն ամենամեծ թիմն ու գրասենյակներն ունի Արայիկ Հարությունյանը, եւ հենց այս երկու թեկնածուների միջեւ է ծավալվելու հիմնական մրցակցությունը։

Սամվել Բաբայանի թեման «փակված» են համարում, քանի որ մոտ մեկ ամիս Արցախում մնալուց հետո նա կարծես թե հրաժարվել է սահմանադրական փոփոխության գործընթացի մտադրությունից, որն Արցախում չբնակված անձին թույլ կտար առաջադրվել»:

«Հրապարակ» թերթը գրում է. «Կառավարության կառուցվածքի փոփոխության փաթեթն ընդունելուց հետո որոշ նախարարություններում ներթիմային գզվռտոցը սրվել է փոխնախարարների շրջանում։ Բանն այն է, որ որոշ նախարարություններ վերակազմավորվելու են, միանալու են մյուսներին, մասնավորապես մշակույթի, սպորտի նախարարությունները՝ կրթության եւ գիտությանը, եւ նոր ստեղծվող սուպերնախարարությունն ունենալու է մեկ նախարար ու ոլորտային փոխնախարարներ։ Այսինքն՝ գործող փոխնախարարներից միայն մեկն է մնալու պաշտոնին։

Որոշ տեղեկություններով, հատկապես բուռն պայքար է ընթանում մշակույթի փոխնախարարներ Նազենի Ղարիբյանի եւ Տիգրան Գալստյանի միջեւ։ Վերջինս հույս ունի, որ տիկնոջ շուրջ բարձրացած աղմուկը կտա իր արդյունքը, եւ ինքը կդառնա սուպերնախարարության՝ մշակույթի գծով փոխնախարարը։

Ի դեպ, նա փոխվարչապետ Տիգրան Ավինյանի հետ ջերմ հարաբերություններ ունի։ Պայքար է գնում նաեւ կրթության գծով փոխնախարարների միջեւ․ հիմա նրանք 3-ն են, որից երկուսը՝ կին»:

«Փաստ» թերթը գրում է. «Նախօրեին ԱԺ-ում առաջին անգամ հայ պետականության պատմության մեջ պատգամավորները նախարարի գործունեությունը կասկածի տակ դրեցին՝ փորձելով նրան ազատել զբաղեցրած պաշտոնից:

Սա տեղի էր ունեցել նախարարի՝ պատգամավորների հարցապնդմանը ոչ պատշաճ եւ, վերջիններիս բնորոշմամբ, իմիջիայլոց պատասխաններ տալու պատճառով:

 

 

 

 

 

«Փաստ» թերթի տեղեկություններով, այս ամենը խիստ զայրացրել է վարչապետ Փաշինյանին, եւ նա նախարար Ատոմ Ջանջուղազյանի հետ բավականին կոշտ խոսակցություն է ունեցել՝ նշելով, թե՝ «դա ի՞նչ թեմա է, որ մի հատ էլ վրաներս մուննաթ գան կամ նման հարց դնեն քվեարկության, լրիվ իրականության զգացողությունը կորցրել ես»:

Ջանջուղազյանը, բնականաբար, տվել է պարզաբանումներ, որոնք, սակայն, վարչապետին չեն բավարարել»:

 







Нравится





Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:

Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.