▲ Դեպի վեր

lang.iso lang.iso lang.iso

Աժ պատգամավորը, Նախագահի խորհրդականն ու համալսարանի ռեկտորն ընկել են նստարանից

Փետրվարի 12-ին, Երևանի Հյուսիսային համալսարանի դահլիճում մրցանակաբաշխություն էր, որի ժամանակ զավեշտալի դեպք տեղի ունեցավ:

Առաջին շարքում նստած էին հայ ծանրամարտի լեգենդ Յուրի Վարդանյանը, ԱԺ պատգամավոր Սուքիաս Ավետիսյանը և Հայաստանի պետական տնտեսագիտական համալսարանի նախկին ռեկտոր, ակադեմիկոս Յուրի Սուվարյանը: Միջոցառման ամենաթեժ պահին վերջիններիս նստարանը կոտրվեց, և նրանք վայր ընկան:

shamshyan.com-ն է գրում այս մասին ու նշում, որ ֆոտոլրագրող Գագիկ Շամշյանը հասցրել է հավերժացնել այդ «պատմական» պահը:

Ֆոտոլրագրողը հայտնել է, որ եթե Յուրի Վարդանյանն ինքնուրույն բարձրացավ ընկած տեղից, ապա պատգամավոր Սուքիաս Ավետիսյանին գետնից բարձրացրին կանայք, ինչպես նաև Հյուսիսային համալսարանի ռեկտորը, իսկ Յուրի Սուվարյանի ընկնելու պահը կանխվեց նրա հետևում գտնվող դատավոր Սերժիկ Ավետիսյանի շնորհիվ, ով ափերով բռնեց ակադեմիկոսի նստուկը:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Պատահարներ ավելին