▲ Դեպի վեր

lang.iso lang.iso lang.iso

Հարավ-Արևմտյան Ա1 թաղամասում հայտնաբերվել է 9-րդ դասարանցի աշակերտուհու դի

Այսօր` փետրվարի 28-ին, Ոստիկանության Մալաթիայի բաժին ահազանգ է ստացվել, որ Հարավ-Արևմտյան Ա1 թաղամասի Անդրանիկի 48 շենքի բակում մահացած աղջկա դի կա:

Այս մասին գրում է Շամշյան.com կայքն. ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել Երևան քաղաքի 1-03 ծառայության` շտապ օգնության բրիգադը, ովքեր տեսնելով, որ աղջիկն արդեն մահացել է, ահազանգել են համապատասխան ծառայությունների:

Ժամանել է Ոստիկանության Մալաթիա-Սեբաստիա բաժնի օպերատիվ քննչական խումբը, ովքեր նշված շենքի, որը 14 հարկանի է, հարևանությամբ գտնվող խանութի տանիքին հայտնաբերել են երախայի դին:

Հավաքվածները ֆոտոլրագրողին պատմել են, որ մահացածը սովորում է 174 դպրոցի 9-րդ դասարանում և նա Սիրարփի Վ-ն է, ով, ըստ տեղեկությունների, ինքնասպանության նպատակով վերջ է տվել իր կյանքին:

Ոստիկանությունն այս պահին փորձում է պարզել դեպքի հանգամանքները:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Պատահարներ ավելին