▲ Դեպի վեր

lang.iso lang.iso lang.iso

Դիզայնի ֆակուլտետի ուսանողը «Infiniti»-ով վրաերթի է ենթարկել 5-ամյա երեխային

Այսօր՝ մայիսի 2-ին, վրաերթ է տեղի ունեցել Երևանում: Ժամը 18:20-ի սահմաններում Երևանի Լեփսուսի փողոցի բնակիչ 25-ամյա Դավիթ Ղուլյանը, վարելով «Infiniti» մակնիշի 75 MD 555 համարանիշի ավտոմեքենան, Գրիբոյեդովի փողոցում վրաերթի է ենթարկել հետիոտն 5-ամյա Իլյա Րլեաբուխային:

shamshyan.com-ն է գրում այս մասին. ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, իր մեքենայով երեխային տեղափոխել է հիվանդանոց:

Փաստի առթիվ Ոստիկանության Քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի ավագ քննիչ Արսեն Մարտիրոսյանի կողմից նյութեր են նախապատրաստվում:

Ֆոտոլրագրողը հայտնում է, որ Դ. Ղուլյանը սովորում է Ճարտարապետաշինարարական պետական համալսարանի դիզայնի ֆակուլտետում:

Բժիշկների հավաստմամբ՝ երեխայի կյանքին ու առողջությանը վտանգ չի սպառնում:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Պատահարներ ավելին