▲ Դեպի վեր

lang.iso lang.iso lang.iso

Ուշադրություն. Երևանում 2 անձի դանակահարողի նկատմամբ հայտարարվել է հետախուզում

 

ՀՀ քննչական կոմիտեի Երևան քաղաքի քննչական վարչության Էրեբունի և նուբարաշեն վարչական շրջանների քննչական բաժնում քննվող քրեական գործով ձեռնարկված մեծածավալ քննչական գործողությունների արդյունքում բացահայտվել է Երևանում 2 անձի դանակահարության դեպքը:


2016թ. դեկտեմբերի 22-ին՝ ժամը 18:10-ին, բժշկական կենտրոնից ահազանգ է ստացվել առ այն, որ բուժօգնության են տեղափոխվել 25-ամյա Մ.Հովհաննիսյանը՝ «աջ ազդրի միջին երրորդականի կտրած վերք, արյունահոսությամբ, հիպովոլեմիկ շոկ» ախտորոշմամբ, և Ա.Ասիրյանը՝ «աջ ազդրի վերին երրորդականի կտրած-ծակած վերք» ախտորոշմամբ: Նախաքննության փուլում Մ.Հովհաննիսյանը, ստացված մարմնական վնասվածքներից, մահացել է:

Դեպքի առթիվ ՀՀ ՔԿ ԵՔՔՎ էրեբունի և Նուբարաշեն վարչական շրջանների քննչական բաժնում հարուցվել է քրեական գործ, մշակվել քննչական պլան և ձեռնարկվել անհրաժեշտ քննչական և դատավարական այլ գործողություններ՝ տուժողների՝ դանակի գործադրմամբ մարմնական վնասվածքներ ստանալու բոլոր հանգամանքները, վիճաբանության շարժառիթը, առերևույթ հանցագործություն կատարած անձի ինքնությունը պարզելու ուղղությամբ։

Արդյունքում փաստական տվյալներ են ձեռք բերվել, որ նշված երկու անձինք մարմնական վնասվածքներն ստացել են Մ.Խորենացի 2-րդ փակուղի, 17-րդ հասցեի դիմաց տեղի ունեցած վիճաբանության ժամանակ Երևան քաղաքի 29-ամյա բնակչի կողմից։ 

Ձեռք բերված բավարար ապացույցների համակցությամբ՝ որոշում է կայացվել՝ 29-ամյա երիտասարդին ՀՀ քրեական օրենսգրքի 112-րդ հոդվածի 2-րդ մասի 1-ին և 14-րդ կետերով որպես մեղադրյալ ներգրավելու մասին։ Նրա նկատմամաբ որպես խափանման միջոց է ընտրվել կալանավորումը և հայտարարվել հետախուզում:

Հանձնարարություն է տրվել ոստիկանության համապատասխան ստորաբաժանումներին միջոցներ ձեռնարկել՝ հետախուզվողին հայտնաբերելու և վարույթն իրականացնող մարմնին ներկայացնելու ուղղությամբ։

Խնդրում ենք լուսանկարում պատկերված տղամարդուն ներկայանալ էրեբունի և Նուբարաշեն վարչական շրջանների քննչական բաժին կամ ովքեր ճանաչում են նրան, որևէ տեղեկություն ունեն նրա ինքնության կամ գտնվելու վայրի մասին, հայտնեն վարույթն իրականացնող մարմնին կամ զանգահարեն 1-02, 010-57-00-88, 010-45-02-02, 010-57-89-08 հեռախոսահամարներով:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Պատահարներ ավելին