▲ Դեպի վեր

lang.iso lang.iso lang.iso

Դիլիջանում գտել են Երեւանում անհայտ կորած համարվող տղամարդու դին՝ նեխած

 

2017թ. օգոստոսի 7-ին՝ ժամը 14:30-ին,  հաղորդում է ստացվել առ այն, որ «Հաղարծին վանական համալիր» տանող ավտոճանապարհի հարակից տարածքում դիակ կա:

Անմիջապես դեպքի վայր է մեկնել քննչական-օպերատիվ խումբը։

«Հաղարծին վանական համալիր» տանող ավտոճանապարհի ձախ մասում գտնվող տաղավար տանող ճանապարհին հայտնաբերվել է տղամարդու դի, որի պարանոցի ստորին երրորդի շրջանում փաթաթված է եղել կպչուն ժապավեն: Դիակի շրջակայքում հայտնաբերվել են նաև արնանման հետքերով պոլիէթիլենային տոպրակի կտորներ:

Ձեռնարկված միջոցառումների արդյունքում պարզվել է դիակի ինքնությունը. վերջինս Երևանի բնակիչ է, ծնված՝ 1985 թվականին, և 2017թ. հուլիսի 31-ից համարվում էր անհայտ կորած:

Քննություն է տարվում՝ պարզելու տղամարդու մահվան պատճառները, հանգամանքները։ Նշանակվել է դատաբժշկական փորձաքննություն:

 

 

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Պատահարներ ավելին