▲ Դեպի վեր

lang.iso lang.iso lang.iso

Դանակահարել են Գագիկ Ծառուկյանի ազգականին պատկանող «Արմենիա» պանդոկի մենեջերին

Shamshyan.com-ի տեղեկություններով, քիչ առաջ արտակարգ դեպք է տեղի ունեցել Կոտայքի մարզում:

 

 

 

 

Ժամը 19:20-ի սահմաններում, «Աբովյան» բժշկական կենտրոնից ոստիկանության Կոտայքի բաժին ահազանգ է ստացվել, որ դանակահարված վիճակում իրենց մոտ է տեղափոխվել մի տղամարդ:

Ոստիկանները պարզել են, որ վիրավորը Կոտայքի մարզի Բալահովիտ գյուղի վերջնամասում, Աբովյանի սկզբնամասում գործող «Արմենիա» պանդոկի մենեջերն է, ում տվյալներն այս պահին ճշտում են:

 

 

 

 

 

Ոստիկանությունը պարզում է նաև, թե որտեղ է դանակահարվել մենեջերը: Կայքի տեղեկություններով, նշված պանդոկը պատկանում է ԱԺ ԲՀԿ խմբակցության ղեկավար, Հայաստանի Ազգային Օլիմպիական կոմիտեի նախագահ Գագիկ Ծառուկյանի ազգականին, որը Բալահովիտի գյուղապետի տեղակալն է:

Հիվանդանոցից հայտնել են, որ վիրավորի կյանքին ու առողջությանը վտանգ չի սպառնում:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Պատահարներ ավելին