«Առողջություն ու արագ ապաքինում եմ մաղթում
Ժամեր առաջ արտակարգ դեպք է տեղի ունեցել «Կոմա նոստրա» ներկայացման ժամանակ: Նարեկ Դուրյանի ինքնազգացողությունը վատացել է, ներկայացումն ընդհատվել է, նրան տեղափոխել են հիվանդանոց:
Նարեկին առաջին անգամ հանդիպել եմ 2000թ-ին, երբ Երևանի քաղաքապետի աշխատակազմի ղեկավարն էի, ու նա շատ հետաքրիր ծրագրով եկել էր մեզ մոտ:
Հետո դարձա նրա գործերի, ներկայացումների երկրպագուն:
Առողջություն ու արագ ապաքինում եմ մաղթում լավ մտավորականին ու մարդուն...»,-գրել է քաղաքագետ Սուրեն Սուրենյանցը ֆեյսբուքյան իր էջում:
Ավելի վաղ տեղեկություն էր տարածվել, որ Երևանի Տիկնիկային թատրոնում «Կոմա նոստրա» ներկայացման ժամանակ վատացել է դերասան Նարեկ Դուրյանի ինքնազգացողությունը. նրան տեղափոխել են «Մալաթիա» հիվանդանոցի սրտաբանական բաժանմունք: Ըստ բժիշկների` վերջինիս մոտ սրտի նոպա է. Նարեկ Դուրյանը ավելի վաղ եւս սրտի հետ կապված խնդիրներ է ունեցել:
