Ամերիկյան ռեալիթի շոուի հայտնի հայազգի աստղ Քիմ Քարդաշյանը ֆեյսբուքյան իր էջում կլորացած փորիկով լուսանկար է հրապարակել՝ այն մակագրելով հետևյալ կերպ. «Բարի գիշեր, փոքրիկ»:

Հիշեցնենք, որ ամիսներ առաջ  Քարդաշյանը հայտնել էր, որ ինքը հղի է: «Ես հենց նոր ստացել եմ արյան թեստը, ես հղի եմ»,-ասել էր Քարդաշյանը իր քրոջը՝ Քլոեին:

Նշենք, որ 34-ամյա Քարդաշյանը և նրա ամուսինը՝ 37-ամյա երգիչ Քանյե Ուեսթը, արդեն ունեն մեկ աղջիկ։ Նրանց դուստր Նորթը ծնվել է 2013թ. հունիսին։ Նշենք, որ նախկինում Քիմ Քարդաշյանը բազմիցս նշել էր, որ ինքն ու Քանիե Ուեսթը մտադիր են երկրորդ երեխան ունենալ։