Օրեր առաջ ՀՀ նախագահի կողմից վաստակավոր արտիստի կոչում ստացած էստրադային երգչուհի Էռնա Յուզբաշյանը տոնում է բեմական գործունեության 35-ամյակը: Հայաստանյան շրջագայության ընթացքում հերթական համերգը Գյումրիում է: Գյումրեցի ջազասեր հասարակությանն այն ներկայացվում է «Ջազը և Գյումրին» նախագծի շրջանակներում: Համերգի ինֆորմացիոն հովանավորը «Ցայգ» մարզային հեռուստաընկերությունն է:
Երգչուհին Գյումրու Ջազ ակումբում հանդիպել է լրագրողների հետ, պատասխանել հարցերին: Տեղի է ունեցել նաև հանրապետությունում առաջին և առայժմ միակ ջազային պարբերականի` Jazz info անկախ տեղեկատվական-մշակութային ամսաթերթի նոր համարի շնորհանդեսը: Լրագրողների հետ զրույցում Էռնա Յուզբաշյանն անկեղծացել է` իրեն երջանիկ մարդ է համարում, իսկ ամենակարևորը հանդիսատեսի գնահատականն ու վերաբերմունքն է, որի պակասը չունի ոչ Հայաստանում, ոչ արտերկրում: Երգչուհու խոսքով իր կյանքում կարևոր ու առանձնացված տեղ է զբաղեցնում Գյումրին: Քաղաքի հետ կապված հիշողությունները շատ են:
ՑԱՅԳ ՀԸ տեսանյութը