Հայազգի հանրահայտ դերասան Արմեն Ջիգարխանյանի մամուլի խոսնակ Նատալիա Կորնեևան հերքել է այն լուրը, թե դերասանը սրտի հետ կապված լուրջ խնդիրներ ունի: Ջիգարխանյանի մամուլի քարտուղարի խոսքով՝ դերասանի մոտ սեզոնային գրիպ է, և այժմ նա գտնվում է տանը։Այս մասին հայտնում է РЕН-ТВ-ն:
«Արմեն Բորիսովիչի մոտ սեզոնային գրիպ է: Նա այժմ գտնվում է տանը»,- հայտնել է մամուլի խոսնակը:
Հիշեցնենք, որ ավելի վաղ LifeNews-ը հայտնել էր, որ դերասան Արմեն Ջիգարխանյանը սրտի շրջանում գանգատներով երեկ հոսպիտալացվել է Մոսկվայի սրտաբանական հիվանդանոցներից մեկը:
