Life.Panorama.am-ը գրում է. Կայքը զրուցել է Ամերիկայի Միացյալ Նահանգներում բնակվող դերասանուհի Շաքե Թուխմանյանի հետ: Լինելով հայ արվետագետ ընտանիք՝ Շաքե Թուխմանյանն ու ամուսինը՝ դերասան Ժան-Պիեր Նշանյանը, օտարության մեջ առաջին գործը որ ձեռնարկել են, Վարդան Աճեմյանի անվան հայկական թատրոն հիմնելն էր։ Ինչո՞վ է այսօր զբաղվում դերասանուհին, ի՞նչ երազանքներ ու նպատակներ ունի, ի՞նչ դժվարություններ է հաղթահարել՝ մանրամասն՝ հարցազրույցում:
-Այժմ այդտեղ ինչո՞վ եք զբաղվում, ի՞նչ գործունեություն եք ծավալում:
-Ինչո՞վ կարող է զբաղվել այն դերասանուհին, ով ավելի քան 45 տարի արվեստի աշխարհում է։ Մի քանի ամիս է՝ ավարտել եմ նկարահանումներս մի ֆիլմում, որը Ցեղասպանության մասին է: Այնտեղ նկարահանվում էր նաև որդիս՝ Արման Նշանյանը: Ռեժիսորը ռումինացի էր:
-Ինչպե՞ս է կոչվում ֆիլմը, ի՞նչ կերպար եք մարմնավորում:
- Ֆիլմը կոչվում է «Հայաստան՝ իմ երկիր, իմ մայր, իմ սեր»: Այն մեր ջարդերի մասին է: Մարմնավորել եմ հերոսուհու մորը, ում անունն Անուշ է: Հուսով եմ՝ մինչև տարեվերջ կցուցադրվի նաև Հայաստանում:
-Այդտեղից հետևո՞ւմ եք հայկական մշակութային անցուդարձին: Ի՞նչ կարծիքի եք։
-Երբեմն հետևում եմ։ Գիտեք, 40 տարիները շատ հետաքրքիր գործ են անում արվեստագետի կյանքում: Անդադար սնվելով ամերիկյան արվեստով՝ այլ ճաշակի արվեստագետ ես դառնում: Միայն հեռուստատեսային նախագծերի մասին կարող եմ կարծիք հայտնել, քանի որ մշակութային մյուս անցուդարձին հետևելու հնարավորություն չունեմ. կան հաջողված և չհաջողված պրոյեկտներ, բայց սա ստեղծագործական պրոցես է, մի օր անպայման ամեն ինչ իր տեղը կընկնի:
-Շո՞ւտ ընտելացաք ամերիկյան կենսակերպին:
-Եթե այլ տարբերակ չունես, ապա փորձում ես համակերպվել և նույնիսկ վատի մեջ գտնել լավագույնը: Առաջանալ՝ պայքարելով, քանի որ կյանքն ինքնին անդադար պայքար է:
-Հայաստանում հաճա՞խ եք լինում: Երբ սպասենք Ձեզ այստեղ:
-Հայաստան եկել ենք գրեթե ամեն տարի: Այս տարի ևս չի բացառվում, որ կայցելենք: Ես սիրում եմ իմ հայրենիքը:
Առավել մանրամասն` սկզբնաղբյուր կայքում