Ընկերներիցս մեկը զանգել էր ինձ ու, սովորության համաձայն, օրվա իր յուրօրինակ ամփոփումն էր ներկայացնում ու վերջում ասաց՝ «Հաջորդն ամուսնանալու է Նազենի Հովհաննիսյանը»:
Ուրախացա, մանավանդ որ ընկերոջս շուրթերից հնչաց նույնիսկ անհավանական ասեկոսեն իրական է դառնում:
Բայց հետո պարզվեց, որ ընկերս մասնակցել է Հայաստանի պետական երիտասարդական նվագախմբի գեղարվեստական ղեկավար, դիրիժոր Արմեն Սմբատյանի և ԱԺ պատգամավոր Գարեգին Նուշիկյանի դստեր՝ Հասմիկի հարսանիքին ու արարողության ամենահետաքրքիր ու հատկապես չամուսնացած աղջիկների համար ամենասպասված պահի՝ հարսնացու ծաղկեփունջի նետման ժամանակ «ժպտացել է» Նազենի Հովհաննիսյանի բախտը:
Հենց նա է բռնել ծաղկեփունջն ու արժանացել բոլոր ներկաների գնահատանքին ու շնորհավորանքներին: Ի դեպ, Նազենին խոստովանել է, որ իր կյանքում առաջին անգամ է նման դեպք պատահել...
Ժողովրդական ավանդույթները պատահական ու կեղծ չեն լինում, այնպես որ ընկերս դեռ երկար ինձ համոզում էր՝ «կտեսնես՝ Նազենին շուտով ամուսնանալու է»:
Անկեղծ եմ ասում՝ ցանկացա... ու , թեկուզ հազար հոգի ավելորդ համարի իմ այս տողերը, անկեղծ էր նաև ընկերոջս ոգևորված պատմածը շարադրելու ցանկությունս:
Հեղինակ՝
Ա. Գրիգոյան
