Դիտեք նաև՝
Երգչուհի Ջուսն Asekose.am-ի հետ կիսվել է իր մտքերով`կապված երևանյան իրադարձությունների հետ:
«Սա այնպիսի թեմա է, որ չգիտեմ` ինչկարող է լինել: Ուղղակի այստեղ ժողովուրդն է մեղք, շատ կարևոր է, որ ժողովուրդը չտուժի, զոհեր ու վիրավորներ չլինեն: Այս ցույցերը ժողովրդի սոցիալական վատ պայամանների պատճառով են: Ուզում եմ, որ այլևս մարդիկ աղքատ չլինեն ու լավ կյանքով ապրեն: Ուզում եմ խաղաղ լինի Հայաստանում իրավիճակը: Գիտեմ, որ Սասնա Ծռերի գործողությունները որևէ բան չեն փոխի, համենայն դեպս, հուսով եմ, որ ժողովրդի վիճակը փոքր ինչ կբարելավվի»:
Այն հարցին` արդյո՞ք երգչուհին պատրաստ է մասնակցել ցույցերին ու լինել ժողովրդի կողքին, հնչեց հետևյալ պատասխանը.
«Ես չեմ սիրում ցույցեր, դրա համար չեմ կարող լինել Խորենացի փողոցում»:
Հիշեցնենք, որ արդեն 12-րդ օրն է, ինչ Երևանի Խորենացի փողոցում «Սասնա Ծռեր» զինված խումբը գրոհով վերցրել է ոստիկանության ՊՊԾ գունդը։ Այս պահին Խորենացի փողոցում հանգիստ է, գիշերվա ընթացքում ևս միջադեպեր չեն գրանցվել: Իսկ նախօրեին, հիշեցնենք, ոստիկանները Խորենացի փողոցից բերման են ենթարկել բազմաթիվ քաղաքացիների, բոլոր նրանց, որոնք օրվա ընթացքում մոտենում էին ոստիկանական պատնեշին հարակից տարածքին:
Հեղինակ`Ա. Հարությունյան