Aysor.am-ը գրում է.
Հայկական հեռուստատեսությամբ սերիալային դաշտն այսօր ամենահագեցածն է, ինչը հաճախ լուրջ ֆիլմերի սիրահարների մոտ դժգոհության ալիք է բարձրացնում: Հավանաբար, այդ բացը լրացնելու ակնկալիքով է, որ շուտով մեկնարկող կաբելային «Արմենիա Պրեմիում» հեռուստաալիքը ակնդիրներին կներկայացնի «Հին արքաներ» բազմասերիանոց հեռուստաֆիլմը: Ֆիլմում ներկայացված դեպքերը տեղի են ունենում մեր թվարկությունից առաջ, երբ Հայաստանում պատրաստվում էր գահ բարձրանալ Տիգրան Մեծը:
Արման Նշանյանը մարմնավորում է բդեշխի ավագ որդուն: Բդեշխի դերում նկարահանվել է դերասանի հայրը՝ ՀՀ վաստակավոր արտիստ Ժան Նշանյանը:
«Հայրս և Մուրադ Ջանիբեկյանը մարմնավորում են երկու բդեշխների, ովքեր պայքարում են գահի համար. մեկը պայքարում է այն նվաճելու, մյուսը՝ գահի արժանի հետևորդին այն վերադարձնելու համար… Ինձ համար այս դերը շատ կարևոր էր, քանի որ սիրում եմ կերպարանափոխվել դերերիս մեջ: Կարելի է ասել՝ սերիալի բացասական գիծն եմ տանում: Շատ դժվար է, տեսնենք՝ ինչպես կստացվի»,-խոստովանեց Ա. Անշանյանը:
Առավել մանրամասն` սկզբնաղբյուր կայքում