Youtube-ում LIVE Трансляции ալիքում հայտնվել է տեսանյութ Թինա Կանդելակիի մասնակցությամբ, որում հայկական արմատներ ունեցող վրացի հաղորդավարուհին խոսում է ազգային պատկանելության մասին` նշելով, որ լավագույնները շատ ոլորտներում հենց հայ-վրացական ծագում ունեցողներն են: Թինան խոսել է նաև Instagram-ի մասին` նշելով, որ վրացիները սիրում են այն, բայց հայերն այնտեղ ավելի շատ են: Թինան կատակելով նշել է, որ այդ ամենը պայմանավորված է հայկական մաֆիայով: Ըստ Թինայի` հայերն ավելի հարուստ են, քան վրացիները: Նշենք նաև, որ հաղոդավարուհին խոսել է նաև Քիմ Քարդաշյանի մասին.
«Քիմ Քարդաշյանը ձեր ազգի պարծանքն է։ Այժմ բոլորն իմացան, որ հայ կանայք գեղեցիկ են։ Առաջ մտածում էին, թե վրացուհիները հայուհիներից գեղեցիկ են»,- ասել է Թինան։
Հաղորդավարուհին անդրադարձել է նաև հայկական հնարամտությանը` ասելով, որ միայն հայերը կարող էին տոմս վաճառել «Ֆորտ Բոյարի» խաղի նկարահանումներին մասնակցելու համար:
«Ես մասնակցել եմ հայկական «Ֆորտ Բոյարի» նկարահանումներին, հանկարծ տեսնում եմ ինչ-որ մարդկանց։ Ասում էին, թե նրանք հայեր են, որ տոմս են գնել տեսնելու համար»,- պատմել է Թինան։
Հիշեցնենք, որ Թինայի հայրը վրացի Գիվի Կանդելակին է, իսկ մայրը` Էլվիրա Ալավերդյանը, հայ է:
