Արդեն տեղեկացրել էինք, որ պրոդյուսեր Վալերի Սահարյանն իր ֆեյսբուքյան էջում գրել էր, որ լեգենդար երգչուհի Ռոզի Արմենը կգա Հայաստան և կմիանա շարժմանը:
Երաժիշտ Դեր Հովան էլ իր էջում գրառում էր արել՝ նշելով, որ երգչուհին ժամանում է Երեւան՝ համաժողովրդական շարժմանն աջակցելու. «Կենդանի լեգենդի հետ: Երեւան կժամանի Ռոզի Արմենը՝ մեզ աջակցեկու եւ մեզ հետ միասին կերտելու Նոր Սկիզբը»:
Ֆրանսիաբնակ երգչուհին լուրը հաստատել էր իր ֆեյսբուքյան էջով, որտեղ լուսանկարներ էր հրապարակել Փարիզի օդանավակայանից:
Քիչ առաջ Վալերի Սահարյանից տեղեկացանք, որ լեգենդար երգչուհին արդեն Երևանում է և վաղը կլինի Հանրապետության հրապարակում:
Հիշեցնենք, որ այսօր արդեն Երեւան է ժամանել Սերժ Թանկյանը: