Բրիտանացի հայտնի երգիչ, երաժիշտ, կոմպոզիտոր, պրոդյուսեր Էլթոն Ջոնն Instagram-ի իր էջում նախագահ Արմեն Սարգսյանի հետ լուսանկար է հրապարակել, որին կից գրառում է կատարել հայաստանյան այցից ստացած իր տպավորությունների մասին:
«Մեծ պատիվ էր հրավիրված լինել Հայաստաբի Հանրապետության նախագահ Արմեն Սարգսյանի կողմից: Այս հրաշալի երկրում տեղի են ունենում բազմաթիվ տպավորիչ և ոգեշնչող փոփոխություններ: Շնորհակալ եմ բոլոր նրանց, ովքեր ստիպեցին ինձ և Դեյվիդին զգալ մեզ ցանկալի հյուրեր »:
Իր հերթին Դեյվիդ Ֆըրնիշն Instagram-ի իր էջում հրապարակել է Արարատ լեռան լուսանկարը, որին կից գրել է. «Նայում եմ ուղեղը մթագնող գեղեցկություն ունեցող Արարատ լեռանը, թե ինչպես է արևը մայր մտնում Հայաստանում »:
Նշենք, որ 71-ամյա լեգենդար երաժիշտը Հայաստան էր ժամանել իր զուգընկերոջ՝ 55-ամյա ռեժիսոր, պրոդյուսեր Դեյվիդ Ֆըրնիշի հետ, ինչը միանշանակ չէր ընկալվել հայ հասարակության կողմից: Համացանցային օգտատատերի շրջանում բուռն քննարկումներ սկսվեցին, որոնք վերաբերում էին երգչի սեռական կողմորոշմանը:
Ավելի ուշ երգիչն Instagram-ի իր էջում խորհրդավոր գրառում էր արել` հավանաբար նկատի ունենալով այդ քննարկումները:
«Մի ատողը չի կարող վերջ տալ այն ամբողջ սիրուն, որը մենք այսօր զգացինք Հայաստանում»,- գրել էր նա:
Հիշեցնենք, որ էլթոն Ջոնն իր այցի ընթացքում այցելել է «Երևան` իմ սեր» հիմնադրամ, որն աջակցում է հաշմանդամություն ունեցող երեխաներին։
Կարդացեք նաև` Ես կարող եմ Ձեր փոփոխությունների ցունամիի մաս դառնալ. Էլթոն Ջոնը՝ հայաստանյան վերջին իրադարձությունների մասին