Անդրե Սիմոնյանը և Մարիամ Ավրա-ն ներկայացրել են իրենց համատեղ «Sleep» երգի հիման վրա նկարահանած տեսահոլովակը:
«Մարիամի հետ հանդիպել եմ, երբ նա 16 տարեկան էր, և ես «Հայ սուպերսթար 4»-ի պրոդյուսերն էի, դրանից հետո նրան տարիներ չէի հանդիպել, պատահաբար այնպես ստացվեց, որ նրա զարմուհին իմ վոկալի ուսուցչուհին էր, այդտեղից էլ սկսվեց մեր կապը: Ապա Մարիամն իր գրած գործերից ուղարկեց, ես ուղղակի ապշեցի, թե ինչքան հետաքրքիր մոտեցում ունի որպես երգահան և ինչքան հետաքրքիր վոկալային տվյալներ ունի, որոշեցինք համագործակցել, հետաքրքիր է նոր արտիստների հետ աշխատելը»,- Asekose.am-ի հետ զրույցում նշեց Անդրե Սիմոնյանը:
Ի դեպ, Մարիամ Ավրա-ն «System of a Down» խմբի մենակատար Սերժ Թանկյանի հայտարարած «7 նոտա» մրցույթի հաղթողն է:
Հիշեցնենք, որ մրցույթի կանոնների համաձայն՝ Սերժ Թանկյանը 7 նոտա էր տվել մասնակիցներին, որոնք շարունակելով` նրանք մրցութային ստեղծագործություններ պետք էի ներկայացնեին: