Լուսինե Բադալյանը Թբիլիսիում է եղել եւ տպավորված այդ քաղաքից, Երեւանի հետ համեմատություն է արել:
Ռազմահայրենասիրական պատասխանն իրեն ուշացնել չի տվել: Ո՞նց թե, էդ վրացիք, էդ լոպազները, տուտուցները, դրանց նման նամարդ էս աշխարհում չկա: Վանքեր են պայթեցրել, սեփականացրել: Մի խոսքով, որ Երեւանը մեծ գեղ են դարձրել, էդ ոչինչ, երեւի տեղավորվում է ազգային ծիրին մեջ, բայց համեմատել Թբիլիսիի հետ, էն էլ` հօգուտ վրացիների, համարյա պետդավաճանություն է:
Շարժվելով այդ երկաթյա տրամաբանությամբ, պետք է դաստիարակչական աշխատանքներ տանել հայ հասարակության շրջանում եւ բացատրել, բացի Երեւանի հետ ոչ միայն Թբիլիսիի, այլ նաեւ աշխարհի շատ այլ քաղաքների համեմատությունը դավաճանություն է եւ պատմական հիշողության կորստի նշան:
ՄՈՍԿՎԱ գնացողը պետք է հիշի, որ ռուսները 4 միլիարդ դոլարի զենք են տվել, համ էլ Մոսկվայում են 1920-ականների բոլշեւիկները որոշում կայացրել Ղարաբաղը թողնել Ադրբեջանի կազմում: Բոնուս, ցարի ժամանակ հայկական եկեղեցիներ են այնտեղ փակվել:
ԿԻԵՎ. Ադրբեջանի հետ Գուամ-Գուամ էին խաղում, զենք տալիս, վարձկաններ ուղարկում:
ՓԱՐԻԶ. Ֆրանսիան չէ՞ր, որ Մուստաֆա Քեմալի հետ սեպարատ պայմանագիր կնքեց եւ Կիլիկիայի հայերին թողեց մենակ քեմալական զորքերի դեմ:
ԼՈՆԴՈՆ. 1-ին Հանրապետության գլխին սարքեցին, Ղարաբաղից լարեցին Անդրանիկին, Ադրբեջանի նավթի համար խելքները իրենցը չի:
ՍՏԱՄԲՈՒԼ. Անցանք առաջ…
ՆՅՈՒ-ՅՈՐՔ. Գլոբալիզացիայի անվան տակ գրավում են սաղ աշխարհը.. 1945-ին ատոմային զենք գցին Հիրոսիմայի վրա, 1968 թվին սպանեցին Մարտին Լյութեր Քինգին: 909 բանաձեւը չեղյալ հայտարարեցին:
ԲԵՌԼԻՆ. Օսմանյան Թուրքիայի հետ… իմացաք ինչ եղավ: Համաշխարհային պատերազմ ու Հոլոքոստ: Մի 10 միլիոն էլ թուրք ա ապրում այնտեղ:
ԱՄՍՏԵՐԴԱՄ. Հենց այնտեղից է Հայաստան ներթափանցել էդ բազմազանություն, եսիմ ինչ արժեքները:
Մի խոսքով էլի… Երեւանն է աշխարհի կենտրոնն ու միակը, անկրկնելին, իր փոշիներով, կարմիր գծերով, արագաչափերով ու մեկանգամյա օգտագործման ասֆալտով: Ու իր ռազմահայրենասերներով:
Մհեր Ղալեչյանի գրառումը
Ֆեյսբուք
