Հայաստանի ԱԻՆ-ում, այսօր՝ հուլիսի 25-ին, ժամը 02.10-ին Սեւան քաղաքի ՈԲ ՕՀ ոստ. ավագ լեյտենանտից տեղեկատվություն է ստացվել, որ ժամը 01.10-ին քաղաքացի Կ.Ն.-ն ոստիկանություն է դիմել  առ այն, որ հուլիսի 24-ին,  ժամը 15.30-ի սահմաններում, իրեն պատկանող «ԳԱԶ-24» մակնիշի 33 ՏՕ 134 համարանիշի ավտոմեքենայով (տաքսի) Երեւանի Կոնգրես հյուրանոցից Սեւանի թերակղզի է տեղափոխել Ժ. Պ. անունով Ֆրանսիայի Հանրապետության քաղաքացու:

Հայաստանի ԱԻՆ փրկարար ծառայությունից հայտնում են, որ վերջինս ավտոմեքենայում թողել է իրերը եւ վարորդին հայտնելով, որ մոտ 2 ժամից կվերադառնա՝ գնացել թերակղզու ուղղությամբ եւ չի վերադարձել. որոնողական աշխատանքների համար անհրաժեշտ է փրկարարների օգնությունը:
Դեպքի վայր է մեկնել ՀՋՓՋ-ի փրկարարական խումբը: