Այսօր` հոկտեմբերի 29-ին, Երեւանի պետական համալսարանում ուսանող է մահացել: Այս տեղեկատվությունը Asekose.am-ի թղթակցին հաստատեցին ԵՊՀ հասարակայնության հետ կապերի և լրատվության վարչությունից, սակայն այլ մանրամասների համար առաջարկեցին դիմել վարչության պետ Կարեն Գրիգորյանին:
Asekose.am-ի թղթակցի հետ զրույցում Կարեն Գրիգորյանն ասաց, որ մահացողը կիրառական մաթեմատիկայի ֆակուլտետի 2-րդ կուրսի ուսանող է.
«Դեպքը պատահել է ֆիզկուլտուրայի դասաժամի ընթացքում: Ուսանողն իրեն վատ է զգացել, սակայն մինչ մեր բուժկետի աշխատակիցները մոտեցել են նա արդեն մահացած է եղել: Հետո նաև եկել է շտապօգնությունը»:
Կարեն Գրիգորյանի խոսքով` դեռ հայտնի չէ, թե որն է եղել ուսանողի մահվան պատճառը: Իսկ այն հարցին` արդյո՞ք մինչ այդ մահացողն ունեցել է առողջական գանգատներ, Կարեն Գրիգորյանը պատասխանեց, որ իր ունեցած տվյալներով տղան սրտի հետ կապված խնդիրներ է ունեցել: